ପ୍ରେମୀ ଦିବସକୁ ନେଇ ପ୍ରତିଟି ପ୍ରେମିକାପ୍ରେମିକଙ୍କ ମଧ୍ୟରେ ଉତ୍ସୁକତା ଭରି ରହିଥାଏ। ପ୍ରେମ ଉପରେ ସବୁବେଳେ କଟକଣା ଲାଗିଛି। ତେବେ ଯେତେବେଳେ କଟକଣା ଶକ୍ତ ହୋଇଛି ପ୍ରେମ ଅଧିକ ଗଭୀର ହୋଇଛି। ଏହା ପୃଥିବୀ ଇତିହାସରୁ ଜଣାପଡ଼େ। ତୃତୀୟ ଶତାବ୍ଦୀରେ ଇଟାଲୀରେ ପ୍ରେମକୁ ସମର୍ଥନ କରୁଥିବା ସନ୍ଥ ଭାଲେଣ୍ଟାଇନଙ୍କୁ ତତ୍କାଳୀନ ରାଜା ବନ୍ଦୀ କରିଥିଲେ। ସନ୍ଥଙ୍କ ମୃତ୍ୟୁ ପରେ ଲୋକେ ଫେବୃୟାରୀ ୧୪କୁ ପ୍ରେମୀ ଦିବସ ଭାବେ ପାଳନ କରିବା ଆରମ୍ଭ କରିଥିଲେ ଏବଂ ଫେବୃୟାରୀ ୭ ଠାରୁ ଫେବୃୟାରୀ ୧୪କୁ ଭାଲେଣ୍ଟାଇନ୍ ଓ୍ବିକ୍ ଭାବେ ଅଭିହିତ କରିଥିଲେ। କାଳକ୍ରମେ ସପ୍ତାହର ପ୍ରତିଟି ଦିନକୁ ଲୋକେ ନିଜ ନିଜ ସୁବିଧା ଅନୁସାରେ ନାମିତ କରିଥିଲେ। କ୍ରମାନ୍ବୟରେ ଫେବୃୟାରୀ ୭କୁ ରୋଜ୍ ଡେ, ୮କୁ ପ୍ରପୋଜ୍ ଡେ, ୯ରେ ଚକୋଲେଟ୍ ଡେ, ୧୦ରେ ଟେଡି ଡେ, ୧୧ରେ ପ୍ରମିସ୍ ଡେ, ୧୨ରେ ହଗ୍ ଡେ ବା ଆଲିଙ୍ଗନ ଦିବସ, ୧୩ରେ କିସ୍ ଡେ ବା ଚୁମ୍ବନ ଦିବସ ଏବଂ ୧୪ରେ ଭାଲେଣ୍ଟାଇନ୍ ଡେ ପାଳିତ ହୋଇଥାଏ । ତେବେ ଚଳିତ ୨୦୨୦ ବର୍ଷ ଏହି ଅବସରରେ ୩ଟି ରାଶିର ବ୍ୟକ୍ତିଙ୍କ ଉପରେ ପ୍ରେମର ବର୍ଷା ହେବାର ସମ୍ଭାବନା ରହିଛି। ସେସବୁ ରାଶି ମଧ୍ୟରେ ରହିଛନ୍ତି କନ୍ୟା, ମକର ଓ କୁମ୍ଭ ରାଶିର ବ୍ୟକ୍ତି। କନ୍ୟା ରାଶିର ବ୍ୟକ୍ତି ନିଜ ପ୍ରେମିକା କିମ୍ବା ପ୍ରେମିକଙ୍କୁ କିଛି ପୋଷାକ ପତ୍ର ଦେଲେ ସାଥୀଙ୍କ ପ୍ରେମ ସମ୍ପର୍କ ଅତୁଟ ରହିବାର ଆଶା ରହିଛି। ସେହିପରି ମକର ରାଶିର ବ୍ୟକ୍ତି ନିଜ ସାଥୀଙ୍କୁ କିଛି ଅଳଙ୍କାର ଉପହାର ଦେଲେ ସାଥୀଙ୍କ ସହିତ ମାନସିକ ସ୍ତରରେ ତାଙ୍କର ସମ୍ପର୍କ ଦୃଢ଼ ରହିବା ସମ୍ଭାବନା ରହିଛି। ଅପରପକ୍ଷରେ କୁମ୍ଭ ରାଶିର ବ୍ୟକ୍ତି ସାଥୀଙ୍କ ସହିତ ଭଲ ସମ୍ପର୍କ ରଖିବା ପାଇଁ ବିଳାସପୂର୍ଣ୍ଣ ସାମଗ୍ରୀ ଉପହାର ଦେଲେ ପ୍ରେମ ସମ୍ପର୍କ ସୁଦୃଢ଼ ହେବାର ଆଶା ରହିଛି। ଏହି ୩ ରାଶିଙ୍କୁ ଛାଡି ଦେଲେ ତୁଳା, ମୀନ ଏବଂ ସିଂହ ରାଶିର ବ୍ୟକ୍ତିଙ୍କୁ ମଧ୍ୟ ଚଳିତ ବର୍ଷ ପ୍ରେମରେ ସଫଳତା ମିଳିବାର ସମ୍ଭାବନା ରହିଛି।