ବନ୍ତ, ୮ା୪(ଡି.ଏନ୍.ଏ.)-ଭଦ୍ରକ ଜିଲା ବନ୍ତ ବ୍ଲକ କେନ୍ଦୁଆପଦା ଫାଣ୍ଡି ଅଧୀନ କେନ୍ଦୁଆପଦା ଓ ତୋଡଗାଁ ବଜାରରେ ସୋମବାର ୩ ଜଣ ଦୋକାନୀ ଲକ୍ ଡାଉନ୍ ଆଇନ ଊଲ୍ଲଂଘନ କରିବାରୁ ସେମାନଙ୍କ ନାମରେ ମାମଲା ରୁଜୁ ହୋଇଛି ା କେନ୍ଦୁଆପଦା ବଜାରର ଜଳଖିଆ ଦୋକାନୀ ଦିଗନ୍ତ ଧଳ ଏବଂ ତୋଡଗାଁ ବଜାରର ଜଳଖିଆ ଦୋକାନୀ ହୃଷିକେଶ ନାୟକ, ପାନଦୋକାନୀ ସୁରେନ୍ଦ୍ର ବେହେରାଙ୍କ ନାମରେ ଦୁଇଟି ପୃଥକ ମାମଲା (ନଂ.୨୨୮/୨୦), (ନଂ.୨୨୯/୨୦) ରୁଜୁ ହେବା ସହ ସେମାନଙ୍କ ଦୋକାନକୁ ସିଲ୍ କରାଯାଇଛି ା ମଙ୍ଗଳବାର ସକାଳେ ଲକ୍ ଡାଉନ୍ ଆଇନ ଉଲ୍ଲଂଘନ ଅଭିଯୋଗରେ କେନ୍ଦୁଆପଦା ଫାଣ୍ଡି ପୋଲିସ ୧୩ଟି ବାଇକକୁ ଜବତ କରିଛି ା ସେହିପରି ବନ୍ତ ପୋଲିସ ପକ୍ଷରୁ ଥାନା ଛକ ସମେତ ବିଭିନ୍ନ ସ୍ଥାନରେ ଗାଡି ଚେକିଂ କରାଯାଇଛି ା କୌଣସି କାର୍ଯ୍ୟ ନଥାଇ ବାହାରେ ବୁଲାବୁଲି କରୁଥିବା ବାଇକ୍ ଚାଳକଙ୍କ ଠାରୁ ୨ ହଜାର ଏବଂ ଚାରି ଚକିଆ ଯାନଠାରୁ ୫ ହଜାର ଜରିମାନା ଆଦାୟ କରାଯିବ ବୋଲି ପୋଲିସ କହିଛି ା