କର୍ଲାମୁଣ୍ଡା,୨୯।୧୨(ଡି.ଏନ୍.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବିଭିନ୍ନ ସମବାୟ ସମିତି ମଣ୍ଡିରେ ଚାଷୀଙ୍କ ଧାନ ପଡ଼ି ରହିଥିବା ଦେଖିବାକୁ ମିଳିଛି। ଏହି ବ୍ଲକର କର୍ଲାମୁଣ୍ଡା ସମବାୟ ସମିତି, ଯୋରାଡବ୍ରା ସମବାୟ ସମିତି ଓ ଜୟ ମା’ ଦୁର୍ଗା ସ୍ବୟଂ ସହାୟକ ଦଳ, ରିଷିଡା ସମବାୟ ସମିତି ପକ୍ଷରୁ ମଣ୍ଡି ଜରିଆରେ ବର୍ତ୍ତମାନ ସୁଦ୍ଧା ୧ ଲକ୍ଷ ୩୦ ହଜାର ୮ ଶହ ୮୫ କ୍ୱିଣ୍ଟାଲ ଧାନ କ୍ରୟ ହୋଇସାରିଥିବା ଜଣାପଡ଼ିଛି। କର୍ଲାମୁଣ୍ଡା ସମବାୟ ସମିତିରେ ୧ ଲକ୍ଷ ୨୫ ହଜାର କ୍ୱିଣ୍ଟାଲ ଧାନ କ୍ରୟ ପାଇଁ ଚାଷୀଙ୍କୁ ଟୋକନ ଇସ୍ୟୁ ହୋଇସାରିଥିବା ବେଳେ ୭୧ ହଜାର କ୍ୱିଣ୍ଟାଲ ମିଲର୍ସଙ୍କୁ ଟାରଗେଟ୍ ରହିଛି।