ମାଲକାନଗିରି,୧୯।୪ (ଡି.ଏନ.ଏ.)- ମାଲକାନଗିରି ଜିଲା ସୀମାନ୍ତ ଛତିଶଗଡରେ ୩ ଜଣ ହାର୍ଡକୋର ମାଓବାଦୀଙ୍କୁ ପୋଲିସ ଗିରଫ କରିଛି। ସେମାନେ ହେଲେ ମଙ୍ଗଳ କୁଞ୍ଜାମି୍, ବୁଦୁରା ମାଡକାମି ଓ ବାମନ୍ ମାଣ୍ଡାବି। ବସ୍ତର ରେଞ୍ଜ ଡି.ଆଇ.ଜି. ବିବେକାନନ୍ଦ ସିହ୍ନାଙ୍କ ସୂଚନା ଅନୁଯାୟୀ ଦାନ୍ତେୱାଡା ଜିଲା କଟ୍କଲ୍ୟାଣ ଅଞ୍ଚଳରେ ପୋଲିସ କୋମ୍ବିଂ ଅପରେସନ କରୁଥିବା ବେଳେ ଉପରୋକ୍ତ ମାଓବାଦୀଙ୍କୁ ଗିରଫ କରିଥିଲା। ସେମାନଙ୍କଠାରୁ ବିପୁଳ ପରିମାଣରେ ଅଫୁଟା ବୋମା, ଜିଲୋଟିନ୍ , ବ୍ୟାନର ଓ ପୋଷ୍ଟର ଜବତ ହୋଇଛି। ଏହି ୩ ଜଣ ଜନ ମିଲିସିଆ ସଦସ୍ୟ ଭାବେ କାର୍ଯ୍ୟ କରୁଥିଲେ । ଓଡିଶା, ଆନ୍ଧ୍ର ଓ ଛତିଶଗଡରେ ବହୁ ମାଓବାଦୀ ହିଂସାରେ ଜଡିତ ଅଛନ୍ତି। ଇନ୍ଫରର୍ମର ସନ୍ଦେହରେ ହତ୍ୟା, ରାସ୍ତାକାମକୁ ବିରୋଧ କରି ଗାଡି ପୋଡିବା, ପୋଲିସ ଉପରେ ଆକ୍ରମଣ ଭଳି ବହୁ ମାମଲାରେ ସେମାନେ ଜଡିତ ଥିବା ପୋଲିସ ପକ୍ଷରୁ କୁହାଯାଇଛି।