ଅନୁଗୋଳ ଅଫିସ, ୨୬।୪ – ଅନୁଗୋଳ ପୋଲିସ ପକ୍ଷରୁ ଶନିବାର ଥାନା ଛକରେ ଗାଡ଼ି ଯାଞ୍ଚ କରାଯାଇ ୫୦ ଜଣଙ୍କଠାରୁ ୪୦ ହଜାର ଟଙ୍କାର ଜରିମାନା ଆଦାୟ କରାଯାଇଛି। ଏସ୍ପି ଜଗମୋହନ ମୀନା ଏହି ଯାଞ୍ଚ ବେଳେ ଉପସ୍ଥିତ ରହି କିଏ କେଉଁ କାମରେ ବାହାରକୁ ଆସିଛନ୍ତି ତାହା ପଚାରି ବୁଝିବା ସହ ଅମାନିଅଁ।ଙ୍କ ନିକଟରୁ ଜରିମାନା ଆଦାୟ କରିବାକୁ କହିଥିଲେ। ଥାନା ଅଧିକାରୀ ରମେଶ ଚନ୍ଦ୍ର ବିଶୋଇଙ୍କ ସହ ଏସ୍ଆଇ ପ୍ରକାଶ ମାଝି, ବିପ୍ଳବ ସାହୁ, ତୁଷାର ମହାନ୍ତି, ଏଏସ୍ଆଇ ପି.ସି. ବେହେରା ପ୍ରମୁଖ ପୂର୍ବାହ୍ନ ସାଢ଼େ ୧୧ଟାରୁ ଅପରାହ୍ନ ୨ଟା ପର୍ଯ୍ୟନ୍ତ ଏହି ଯାଞ୍ଚ କରିଥିଲେ। ପରେ ଏସ୍ପି ମୀନା ପହଞ୍ଚି ଯାଞ୍ଚ ତଦାରଖ କରିଥିଲେ। ଗ୍ରାମାଞ୍ଚଳରେ ମଧ୍ୟ ଏହି ଯାଞ୍ଚ କରିବାକୁ ନିର୍ଦ୍ଦେଶ ଦିଆଯାଇଥିବା ଏସ୍ପି କହିଛନ୍ତି।