ପିପିଲି,୨୧ା୫(ଡି.ଏନ୍.ଏ./ସ୍ବ.ପ୍ର.): ପିପିଲି ପୋଲିସ ଉଦ୍ୟମରେ ଗୁରୁବାର ୪୧ଜଣ ଶ୍ରମିକ ଏକ ସ୍ବତନ୍ତ୍ର ବସ୍ରେ ନିଜ ଅଞ୍ଚଳକୁ ଫେରିଛନ୍ତି। ଲକ୍ଡାଉନ ଅବଧି ବଢ଼ିବା ପରେ ଶ୍ରମିକମାନେ ଚାଲିଚାଲି ଯାଉଥିଲେ। ପୋଲିସ ସେମାନଙ୍କୁ ଅଟକାଇବା ସହ ଖାଦ୍ୟର ବ୍ୟବସ୍ଥା କରିଥିଲେ। ଏ ନେଇ ଥାନା ଅଧିକାରୀ ଏସ୍ପି ଡ. ଉମାଶଙ୍କର ଦାସଙ୍କୁ ଜଣାଇଥିଲେ। ଏହା ପରେ ଏସ୍ପି ଦାସ ଏକ ସ୍ବତନ୍ତ୍ର ବସ ପିପିଲି ଥାନାକୁ ପଠାଇଥଲେ। ଉକ୍ତ ବସ୍ରେ ୧୨ ଜଣ ମୟୂରଭଞ୍ଜ ଓ ୨୯ଜଣ ଶ୍ରମିକ ପଶ୍ଚିମବଙ୍ଗ ଯାଇଥିବା ଆଇଆଇସି ଶରତ କୁମାର ସାହୁ କହିଛନ୍ତି।