ପାଇକମାଲ, ୧୯।୪ (ଡି.ଏନ.ଏ.)-ଗଞ୍ଜାମ ଜିଲା ଆସିକାର ଏକ ଇଟାଭାଟିରେ କାମ କରୁଥିବା ୨୦ ଦାଦନ ଶ୍ରମିକଙ୍କ ପରିବାରର ମୋଟ ୨୮ ସଦସ୍ୟ ଶନିବାର ପାଇକମାଲ ବ୍ଲକ କାଂସଡା ପଞ୍ଚାୟତରେ ପହଞ୍ଚିଛନ୍ତି । ଲକ୍ ଡାଉନ କଟକଣା ସତ୍ତ୍ବେ ସେମାନେ ୪୩୦ କିମି ରାସ୍ତା ଚାଲି ଚାଲି ଆସିଛନ୍ତି ା ସେହି ଶ୍ରମିକଙ୍କ କହିବା ଅନୁଯାୟୀ, ଆମେ କିଛି ବାଟ ଚାଲି ଚାଲି ଆସିଛୁ । ଆଉ କିଛି ବାଟ ଲିଫ୍ଟ ମାଗି ଟ୍ରକ ଓ ଟେମ୍ପୁରେ ଆସିଛୁ । ସରକାରଙ୍କ ତରଫରୁ ରାଜ୍ୟର ସମସ୍ତ ପଞ୍ଚାୟତରେ ଆଶ୍ରୟସ୍ଥଳୀ କରାଯାଇ ସେଠାରେ ଶ୍ରମିକ ଶ୍ରେଣୀର ଲୋକଙ୍କୁ ଖାଦ୍ୟ ଯୋଗାଣର ବ୍ୟବସ୍ଥା କରାଯାଇଛି । ହେଲେ ଏହି ଶ୍ରମିକ ପରିବାର ସେହି ଘୋଷଣା ସଂକ୍ରାନ୍ତରେ ଜାଣି ପାରି ନ ଥିଲେ । ସଚେତନତା ଅଭାବରୁ ସେମାନେ ଗାଁକୁ ପଳାଇ ଆସିଥିବା ଜଣାପଡିଛି । ଉକ୍ତ ଶ୍ରମିକ ପରିବାର ସଦସ୍ୟମାନେ କାଂସଡରେ ପହଞ୍ଚତ୍ବା ପରେ ସରପଞ୍ଚ ସୁଷମା ସାହ, ଇଓ ସାନନ୍ଦ ମେହେର, ଯୁଧିଷ୍ଠିର ସାହୁ ସେମାନଙ୍କୁ ପଞ୍ଚାୟତ ଦ୍ୱାରା କରାଯାଇଥିବା କ୍ବାରାଣ୍ଟାଇନରେ ରହିବାକୁ କହିଥିଲେ । ସେମାନେ ପ୍ରଥମେ ରାଜି ହୋଇ ନ ଥିଲେ । ଏ ନେଇ ପ୍ରଶାସନକୁ ଖବର ଦିଆଯାଇଥିଲା । ପଦ୍ମପୁର ଉପଜିଲାପାଳ ତନ୍ମୟ କୁମାର ଦରୱାନ, ପାଇକମାଲ ତହସିଲଦାର ମନୋଜ କୁମାର ମେହେର ରାତିରେ କାଂସଡାରେ ପହଞ୍ଚତ୍ ଦାଦନ ଶ୍ରମିକମାନଙ୍କୁ ବୁଝାସୁଝା କରିବା ପରେ ସମସ୍ତେ ରାଜି ହୋଇଥିଲେ। ପୂର୍ବରୁ ଉକ୍ତ ପଞ୍ଚାୟତରେ ଥିବା କ୍ୱାରାଣ୍ଟାଇନରେ ୩ ଜଣ ରହୁଥିବା ବେଳେ ଏହି ୨୮ ଜଣ ସେମାନଙ୍କ ସହ ସାମିଲ ହୋଇଛନ୍ତି ।