ରାଜନଗର,୨୧।୬(ଡି.ଏନ୍.ଏ.): ରାଜନଗର ବ୍ଲକରେ ଥିବା ବିଶ୍ୱପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନ ମଧ୍ୟରେ ଥିବା ଏକ ଆବଦ୍ଧ ପୋଖରୀରେ ନିସଙ୍ଗ ଜୀବନ ବିତାଉଥିବା ଶଙ୍ଖୁଆ କୁମ୍ଭୀର ‘ଗୌରୀ’କୁ ଶୁକ୍ରବାର ୪୩ ପୁରି ୪୪ ଚାଲିଛି। ୧୯୭୫ ମସିହା ଆଜିର ଦିନରେ ଭିତରକନିକା କୃତ୍ରିମ ପ୍ରଜନନ କେନ୍ଦ୍ରରେ ଏହି ବିରଳ ମାଇ ଧଳା କୁମ୍ଭୀର ଜନ୍ମ ଗ୍ରହଣ କରିଥିଲା। ପରବର୍ତ୍ତୀ ସମୟରେ ବିଶ୍ୱରୁ ଆସୁଥିବା ପର୍ଯ୍ୟଟକ, ଗବେଷକ, ପରିଭ୍ରମଣକାରୀଙ୍କ ଆଦର ପାଲଟିଥିଲା। ଗୌରୀ ଯୌବନର ଅପରାହ୍ନରେ ପାଦ ଥାପିଥିଲେ ହେଁ ଏବେ ବି ମା’ ହୋଇପାରିନାହିଁ।