ମୁମ୍ବାଇ: ବଲିଉଡ୍ଠାରୁ ବେଶ୍ କିଛିଦିନ ହେବ ଦୂରେଇ ରହିଥିବା ଟ୍ବିଙ୍କଲ ଖାନ୍ନା ସୋସିଆଲ ମିଡିଆରେ କିନ୍ତୁ ବେଶ୍ ଆକ୍ଟିଭ। ଅଧିକାଂଶ ସମୟରେ ସେ ସୋସିଆଲ ମିଡିଆରେ କିଛି ନା କିଛି ପୋଷ୍ଟ କରୁଥିବା ଦେଖାଯାଏ। ନିକଟରେ ସେ ଏମିତି ଏକ ଫଟୋ ଶେୟାର କରିଛନ୍ତି ଯେଉଁଥିରୁ ଜାଣିବାକୁ ମିଳିଛି ଟ୍ବିଙ୍ଗଲ ୪୬ ବର୍ଷ ମଧ୍ୟରେ ପ୍ରଥମଥର ତାଙ୍କ ମାଆଙ୍କ ହାତ ତିଆରି ଖାଦ୍ୟ ଖାଇଛନ୍ତି। ଫଟୋରେ ଏକ କାଚ ପାତ୍ରରେ ଫ୍ରାଏଡ ରାଇସ୍ ଥୁଆ ହୋଇଥିବା ଦେଖାଯାଇଛି। ଏହାସହ ଟ୍ବିଙ୍ଗଲ ଲେଖିଛନ୍ତି, ୪୬ ବର୍ଷ ଲାଗିଗଲା ମା’ଙ୍କୁ, ମହାମାରୀ ହେଲା, ଲକ୍ଡାଉନ ବଢିଲା, ଏହାପରେ ଯାଇ ମା’ ମୋ ପାଇଁ କିଛି ଖାଦ୍ୟ ପ୍ରସ୍ତୁତ କଲେ। ଏବେ ମୋତେ ଲାଗୁଛି କାହିଁ ଲୋକେ ମାଆଙ୍କ ହାତ ତିଆରି ଖାଦ୍ୟ ଖାଇବାକୁ ପସନ୍ଦ କରନ୍ତି। ଟ୍ବିଙ୍କଲଙ୍କର ଏହି ପୋଷ୍ଟକୁ କେବଳ ତାଙ୍କର ପ୍ରଶଂସକ ନୁହେଁ ବରଂ ବଲିଉଡ୍ର କେତେଜଣ ସେଲିବ୍ରିଟି ମଧ୍ୟ ପସନ୍ଦ କରିଛନ୍ତି ଓ ଏହାକୁ ନେଇ କମେଣ୍ଟସ୍ ଦେଇଛନ୍ତି।