ମୁମ୍ବାଇ: ବଲିଉଡ୍ କୁଇନ୍ କଙ୍ଗନା ରାନାଓ୍ବତ ନିକଟରେ ନିଜର ପ୍ରଡକସନ୍ ହାଉସ୍ ଆରମ୍ଭ କରିଛନ୍ତି। ନିଜ ପରିବାର ସହ ମିଶି ସେ ଏହା ଆରମ୍ଭ କରିଛନ୍ତି। ଆଉ ଏହାର ନାଁ ରଖିଛନ୍ତି ‘ମଣିକର୍ଣ୍ଣିକା ଫିଲ୍ମସ୍’। ଏହାର ଏକ ଅଫିସ କଙ୍ଗନା ମୁମ୍ବାଇର ପାଲି ହିଲରେ ଥିବା ଏକ ୩ ମହଲା ଘରେ ଆରମ୍ଭ କରିଛନ୍ତି। ଏହି ୩ ମହଲା ଘରେ ଥିବା ଅଫିସକୁ ସେ ୪୮ କୋଟି ଟଙ୍କାରେ କ୍ରୟ କରିଥିବା ଶୁଣିବାକୁ ମିଳିଛି। ଏବେ ଏହି ଅଫିସ ଭିତରର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଫଟୋ ଗୁଡିକରେ କଙ୍କନାଙ୍କ ଅଫିସ କୌଣସି ‘ଡ୍ରିମ୍ ଓ୍ବାର୍କ ପ୍ଲେସ’ଠାରୁ କମ୍ ଲାଗୁନାହିଁ। ପାଲି ହିଲ୍ ବଙ୍ଗଳା ନମ୍ବର ୫ରେ ଆରମ୍ଭ ହୋଇଥିବା ଏହି ଅଫିସର ଡିଜାଇନ ଶବନମ ଗୁପ୍ତା କରିଥିଲେ। କଙ୍ଗନାଙ୍କ ଏହି ଅଫିସ ପ୍ଲାଷ୍ଟିକ ଫ୍ରି ଓ ଇକୋ ଫ୍ରେଣ୍ଡଲି ହୋଇଛି। ଅଫିସର ଫଟୋ ସବୁକୁ କଙ୍ଗନାଙ୍କ ଟିମ୍ ମେମ୍ବରମାନେ ହିଁ ଶେୟାର କରିଛନ୍ତି। କଙ୍ଗନାଙ୍କ ଏହି ଅଫିସ ୟୁରୋପିୟନ ଥିମ୍ରେ ପ୍ରସ୍ତୁତ କରାଯାଇଛି।
