ଖଇରା, ୧୦ା୫(ଡି.ଏନ୍.ଏ.)-ବାଲେଶ୍ୱର ଜିଲା ଅଧୀନ ଖଇରା ବଜାରରେ ଜନଗହଳି ଉପରେ କଟକଣା ଲଗାଇବା ଉଦ୍ଦେଶ୍ୟରେ ସ୍ଥାନୀୟ ସରପଞ୍ଚ ସୁଦର୍ଶନ ସେଠୀ ୪୮ଘଣ୍ଟିଆ ଶଟ୍ଡାଉନ ଘୋଷଣା କରିଛନ୍ତି। ଆସନ୍ତା ମଙ୍ଗଳବାର ସକାଳ ୬ଟାରୁ ଗୁରୁବାର ସକାଳ ୬ଟା ପର୍ଯ୍ୟନ୍ତ କେବଳ ଅତ୍ୟାବଶ୍ୟକ ସାମଗ୍ରୀ ଦୋକାନକୁ ଛାଡି ଅନ୍ୟ ସମସ୍ତ ଦୋକାନ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି। ଖଇରା ବଜାର ସମେତ ସଂଲଗ୍ନ ଆଳଦା, ପୁରୁଷୋତ୍ତମପୁର, ନଟାପଡା, ବଣପାରଆ ଆଦି ଗ୍ରାମଗୁଡିକରେ ମଧ୍ୟ ଚଳପ୍ରଚଳ ଉପରେ କଟକଣା ଲାଗୁ ହେବ ଏବଂ ସୋମବାର ମାଇକ ଯୋଗେ ସମସ୍ତଙ୍କୁ ଅବଗତ କରାଯିବ ବୋଲି ସରପଞ୍ଚ ସେଠୀ ସୂଚନା ଦେଇଛନ୍ତି।