![](https://www.dharitri.com/wp-content/uploads/2019/04/elephant.jpg)
ତାଳଚେର,୧୯ା୪(ଡି.ଏନ୍.ଏ): ତାଳଚେର ପୋରାଞ୍ଚଳର ଷଣ୍ଢଗାଁରେ ଗୁରୁବାର ରାତିରେ ଏକ ଦନ୍ତାହାତୀ ଆକ୍ରମଣରେ ୪ଜଣଙ୍କ ଜୀବନ ଯାଇଛି। ସେମାନେ ହେଲେ କାଳିଆ ସହର, ସୁନୀତା ସେଠ୍, ସାରଥି ସହର ଓ ଅନୀତା ସହର। ଗୋଟିଏ ଆଦିବାସୀ ପରିବାର କୁଡ଼ିଆ କରି ଗ୍ରାମ ନିକଟରେ ଥିଲେ। ଗୁରୁବାର ରାତିରେ ଦନ୍ତାହାତୀଟି ପରିବାରର ୪ ଜଣଙ୍କୁ ମାରି ଦେଇଛି। ବିଳମ୍ବିତ ରାତିରେ ତାଳଚେର ବ୍ଲକ ସନ୍ଥପଡ଼ା ଗ୍ରାମର ଭ୍ରମରବର ସାମଲ(୭୦)ଙ୍କୁ ଏହି ଦନ୍ତାହାତୀଟି ମାରି ଖଣ୍ଡ ଖଣ୍ଡ କରିଦେଇଛି। କ୍ଷତିପୂରଣ, ଚାକିରି ଓ ହାତୀକୁ ଟ୍ରାଙ୍କୁଲାଇଜର କରି ଅନ୍ୟତ୍ର ସ୍ଥାନାନ୍ତର ଦାବିରେ ଗ୍ରାମବାସୀ ଶବକୁ ଅଟକ ରଖିଛନ୍ତି। ଗ୍ରାମରେ ଉତ୍ତେଜନା ଲାଗି ରହିଛି। ବନବିଭାଗ ଓ ପୋଲିସ ଅଧିକାରୀମାନେ ଘଟଣାସ୍ଥଳରେ ଉପସ୍ଥିତ ରହି ଆଲୋଚନା ଚଳାଇଛନ୍ତି।