ଗ୍ବାଲିୟର: ମାତ୍ର ୪ ଟଙ୍କା ୧୦ ପଇସା ପାଇଁ ଆଠ ମାସର ଆଇନଗତ ଲଢେଇ । କଥାଟା ଶୁଣିବାକୁ ଅଜବ ଲାଗୁଥିଲେ ବି ବାସ୍ତବରେ ଏପରି ଏକ ଘଟଣା ଘଟିଛି ମଧ୍ୟପ୍ରଦେଶର ଗ୍ବାଲିୱରରେ । ଏଇ ଅଞ୍ଚଳର ଆନନ୍ଦ ପ୍ରତାପ ସିଂହ ନାମକ ଜଣେ ବ୍ୟକ୍ତି ରିଲାଏନ୍ସ ମାର୍ଟରୁ ଗତ ବର୍ଷ ମେ ମାସରେ ୩ ହଜାର ୭୪୬ ଟଙ୍କା ୫୦ ପଇସାର ସାମଗ୍ରୀ କିଣିଥିଲେ । କିନ୍ତୁ ଘରକୁ ଯାଇ ବିଲ୍ ଚେକ୍ କରିବାରୁ ଜାଣିଥିେଲେ ଯେ, ସେ କିଣିଥିବା ଏକ ହେୟାର ବ୍ୟାଣ୍ଡ୍ର ମୂଲ୍ୟ ୨୨ ଟଙ୍କା ଥିଲାବେଳେ ବିଲରେ ତାଙ୍କ ଠାରୁ ୨୬ ଟଙ୍କା ୧୦ ପଇସା ନିଆଯାଇଥିଲା ।
ଏଇ ଅଭିଯୋଗ ନେଇ ସେ ରିଲାଏନ୍ସ ମାର୍ଟକୁ ଯାଇଥିଲେ ଏବଂ ତାଙ୍କ ଠାରୁ କାହିଁକି ୪ ଟଙ୍କ ୧୦ ପଇସା ଅଧିକ ନିଆଯାଇଛି ବୋଲି ପ୍ରଶ୍ନ କରିଥିଲେ ।
କିନ୍ତୁ ଆନନ୍ଦଙ୍କର ଏଇ ଅଭିଯୋଗ ପରେ ତାଙ୍କୁ ମାର୍ଟ ପକ୍ଷରୁ ଅଭଦ୍ର ବ୍ୟବହାର କରାଯାଇଥିଲା । ଫଳରେ ସେ ଜିଲା ଉପଭୋକ୍ତା ଫୋରମ୍ରେ ଅଭିଯୋଗ କରିଥିଲେ । ଶେଷରେ ୮ମାସର ନ୍ୟାୟିକ ବିଚାର ପ୍ରକ୍ରିୟା ପରେ ଫୋରମ ପକ୍ଷରୁ ମାର୍ଟକୁ ଆନନ୍ଦଙ୍କର ୪ ଟଙ୍କା ୧୦ ପଇସା ଫେରାଇବା ପାଇଁ ର୍ନିଦ୍ଦେଶ ଦିଆଯାଇଛି ।