କେନ୍ଦୁଝର,୮ା୬(ସ୍ବ.ପ୍ର.): ଚଳିତ ଖରିଫ୍ ଋତୁରେ ସରକାରଙ୍କ ନିର୍ଦ୍ଦେଶ ମୁତାବକ ଚାଷୀମାନେ ବିଭିନ୍ନ ସରକାରୀ ସଂସ୍ଥା ମାଧ୍ୟମରେ ଧାନ ବିକ୍ରି କରିଥିଲେ। ବହୁ ଚାଷୀଙ୍କର ଟୋକନ ଆସିଥିଲେ ମଧ୍ୟ ସରକାର ତାଙ୍କ ଧାନ କିଣି ନ ଥିଲେ। ଏପରିକି ମାସ ମାସ ବିତି ଯାଇଥିଲେ ସୁଦ୍ଧା କିପରି ଏହାର ସମାଧାନ କରାଯିବ ସେନେଇ କିଛି ପଦକ୍ଷେପ ନେଇ ନ ଥିଲେ। ଏପଟେ ମୌସୁମୀ ରାଜ୍ୟରେ ପହଞ୍ଚିବାକୁ ଥିବା ବେଳେ ଧାନ ବିକ୍ରି କରି କୃଷକ ହାତ ଖାଲି କରି ବସିଛନ୍ତି। କିପରି ଚାଷକାମ କରିବେ ସେନେଇ ଚାଷୀ ଚିନ୍ତାରେ ପଡ଼ିଛନ୍ତି। ଏହିପରି ଅନେକ ସମସ୍ୟାର ସମାଧାନ ସହ ନବ ନିର୍ମାଣ କୃଷକ ସଂଗଠନ ସୋମବାର ୪ ଦଫା ଦାବି ନେଇ ଜିଲାପାଳ କାର୍ଯ୍ୟାଳୟ ଘେରାଉ କରିଛନ୍ତି। ୭ ଦିନ ମଧ୍ୟରେ ଦାବି ପୂରଣ ନ ହେଲେ ଆଗାମୀ ଦିନରେ ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛି ସଂଗଠନ। ଏନେଇ ଏକ ଦାବିପତ୍ର ଜିଲାପାଳଙ୍କୁ ପ୍ରଦାନ କରାଯାଇଛି।
