ଯାଜପୁର ଟାଉନ/ସୁକିନ୍ଦା/ଧର୍ମଶାଳା/କୋରେଇ,୩ା୫(ଡି.ଏନ୍.ଏ/ସ୍ବ.ପ୍ର.)
ଯାଜପୁର ବିଧାନସଭା ନିର୍ବାଚନମଣ୍ଡଳରେ ବିଜେଡି ପ୍ରାର୍ଥୀ ପ୍ରଣବ ପ୍ରକାଶ ଦାସ ୩୦,୨୬୨ ଭୋଟ ପାଇ ଆଗରେ ଥିବାବେଳେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଭାବେ ଭାଜପା ପ୍ରାର୍ଥୀ ଗୌତମ ରାୟ ୧୫,୬୨୦ ଭୋଟ ପାଇଛନ୍ତି। ପ୍ରଣବପ୍ରକାଶ ୧୪୬୪୨ ଭୋଟରେ ଆଗୁଆ ଅଛନ୍ତି। ସେହିପରି ସୁକିନ୍ଦା ନିର୍ବାଚନମଣ୍ଡଳୀରେ ବିଜେଡି ପ୍ରାର୍ଥୀ ପ୍ରୀତିରଞ୍ଜନ ଘଡ଼େଇ ୨୬୭୨୨ ଭୋଟ ପାଇ ଆଗରେ ଥିବାବେଳେ ଭାଜପା ପ୍ରାର୍ଥୀ ପ୍ରଦୀପ ବଳସାମନ୍ତ ୧୯୭୭୧ ଭୋଟ ପାଇ ନିକଟତମ ପ୍ରତିଦ୍ୱନ୍ଦ୍ୱୀ ଅଛନ୍ତି। ପ୍ରୀତିରଞ୍ଜନ ୯୯୫୧ ଭୋଟରେ ଆଗୁଆ ଅଛନ୍ତି। କୋରେଇ ନିର୍ବାଚନମଣ୍ଡଳୀର ବିଜେଡି ପ୍ରାର୍ଥୀ ଅଶୋକ ବଳ ୨୪,୩୮୦ ଭୋଟ ପାଇ ଆଗରେ ଥିବାବେଳେ ନିକଟତମ ପ୍ରତିଦ୍ୱନ୍ଦ୍ୱୀ ଭାଜପା ପ୍ରାର୍ଥୀ ବିଶ୍ୱଜିତ ନାୟକ ୧୪,୬୫୮ ଭୋଟ ପାଇଛନ୍ତି। ଅଶୋକ ବଳ ୯୭୨୨ ଭୋଟରେ ଆଗୁଆ ଅଛନ୍ତି। ସେହିପରି ଧର୍ମଶାଳା ନିର୍ବାଚନମଣ୍ଡଳୀରେ ମଧ୍ୟ ବିଜେଡି ପ୍ରାର୍ଥୀ ପ୍ରଣବ ବଳବନ୍ତରାୟ ୫୯୨୬୮ ଭୋଟ ପାଇ ଆଗରେ ଥିବାବେଳେ ନିକଟତମ ପ୍ରତିଦ୍ୱନ୍ଦ୍ୱୀ ଭାବେ ଭାଜପା ପ୍ରାର୍ଥୀ ରମେଶ ପରିଡ଼ା ୨୬୯୪୭ ଭୋଟ ପାଇଛନ୍ତି। ପ୍ରଣବ ବଳବନ୍ତରାୟ ୩୨୩୨୧ ଭୋଟରେ ଆଗୁଆ ଅଛନ୍ତି।