କଣିହାଁ,୧୧।୧୦(ଡି.ଏନ.ଏ)-ଅନୁଗୋଳ ଜିଲା କଣିହାଁ ବ୍ଲକସ୍ଥିତ ବ୍ରାହ୍ମଣୀ ନଦୀ ବନ୍ଧ ଯୋଜନାର ରେଙ୍ଗାଳି ଡ୍ୟାମରେ ଜଳସ୍ତର ବୃଦ୍ଧି ପାଇଛି। ଏଥିଯୋଗୁ ଡ୍ୟାମ କର୍ତ୍ତୃପକ୍ଷ ୫ମ ଥର ବନ୍ୟାଜଳ ନିଷ୍କାସନ ପାଇଁ ଗୁରୁବାର ସାରେ ଗୋଟିଏ ଗେଟ ଖୋଲିଛନ୍ତି। ନିର୍ବାହୀ ଯନ୍ତ୍ରୀ ଅଜିତ କୁମାର ଜେନା କହିଛନ୍ତି, ଡ୍ୟାମର ଜଳ ଧାରଣ କ୍ଷମତା ୧୨୫.୪୦ ମିଟର ହୋଇଥିବାବେଳେ ସା ସୁଦ୍ଧା ଜଳସ୍ତର ୧୨୪.୩୪ ମିଟର ପହଞ୍ଚିଥିଲା। ଫଳରେ ଡ୍ୟାମର ୯ ନଂ. ଗେଟକୁ ଖୋଲାଯାଇଛି। ଜଳ ଭଣ୍ଡାରକୁ ପ୍ରତି ସେକେଣ୍ଡରେ ୧୦୧୮ ଘନ ମିଟର ଜଳ ପ୍ରବେଶ କରୁଥିବାବେଳେ ବିଦ୍ୟୁତ୍ ଉତ୍ପାଦନ ପାଇଁ ପାଓ୍ବାର ଚାନେଲ ଓ ଖୋଲାଯାଇଥିବା ଗେଟରେ ୨୩୭୩ ଘନ ମିଟର ପାଣି ପ୍ରତି ସେକେଣ୍ଡରେ ନିଷ୍କାସିତ ହେଉଛି। ପ୍ରକାଶ ଥାଉ କି, ୪ର୍ଥ ଥର ପାଇଁ ଗତ ୭ ତାରିଖ ସକାଳେ ଗୋଟିଏ ଗେଟ ଖୋଲଯାଇ ୮ ତାରିଖରେ ବନ୍ଦ କରାଯାଇଥିଲା।