ଉଦଳା,୨୯ା୧(ଡ଼ି.ଏନ୍.ଏ.)- ଆସନ୍ତା ଫେବୃୟାରୀ ୫ ତାରିଖରୁ ଉଦଳାଠାରେ ଐତିହାସିକ ସରସ୍ବତୀ ମେଳା ଆରମ୍ଭ ହେବ। ଏହା ୧୯ ତାରିଖ ପର୍ଯ୍ୟନ୍ତ ଚାଲୁ ରହିବ। ମଙ୍ଗଳବାର ଆୟୋଜିତ ଏହି ଖବରଦାତା ସମ୍ମିଳନୀରେ ମନ୍ଦିର ପରିଚାଳନା କମିଟି ସଭାପତି ସନ୍ତୋଷ କୁମାର ବେହେରା, ଉପସଭାପତି କ୍ଷୀରୋଦ ରଞ୍ଜନ ମହାନ୍ତି, ସମ୍ପାଦକ ରବୀନ୍ଦ୍ର କୁମାର ପରିଡା, ସହ ସମ୍ପାଦକ ଦାତ୍ତାକର୍ଣ୍ଣ ସ୍ବାଇଁ, କୋଷାଧ୍ୟକ୍ଷ ରନତ୍ାକର ପ୍ରଧାନ, ବରିଷ୍ଠ ଉପଦେଷ୍ଟା ପ୍ରସନ୍ନ ଦାସ, ବଣିକ ସଂଘ ସମ୍ପାଦକ ଧୀରେନ୍ଦ୍ର ଖଣ୍ଡେଲୱାଲ ପ୍ରମୁଖ ଏହି ସୂଚନା ପ୍ରଦାନ କରିଛନ୍ତି। ସେହିପରି ଶ୍ରୀପଞ୍ଚମୀ ତିଥିରେ ଉଦଳାସ୍ଥିତ ଦେବୀ ସରସ୍ବତୀଙ୍କ ମନ୍ଦିରରେ ଯଥାରୀତି ପୂଜାର୍ଚ୍ଚନା ଅନୁଷ୍ଠିତ ହେବ। ସକାଳ ୫.୩୦ରେ ମନ୍ଦିର ମାର୍ଜନା, ନେତ୍ରବନ୍ଦିନ, ସୂର୍ଯ୍ୟପୂଜା, ଦ୍ୱାରପାଳ ପୂଜା, ଅର୍ଘ୍ୟ ପୂଜା ଏବଂ ମହାସ୍ନାନ ଜନିତ ଉପଚାର, ଦେବୀ ସରସ୍ବତୀଙ୍କର ରାଜରାଜେଶ୍ୱରୀ ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେବା ଭଳି ବିଧି ଚୂଡାନ୍ତ ହୋଇଛି ା ପରେ ସାଧାରଣ ଶ୍ରଦ୍ଧାଳୁଙ୍କ ନିମନ୍ତେ ପୁଷ୍ପାଞ୍ଜଳି, ଦର୍ଶନ, ମାନସିକପୂଜା, ନୂତନ ଭାବେ ବିଦ୍ୟା ଆରମ୍ଭ କରିବାକୁ ଥିବା କୁନି କୁନି ଛାତ୍ରୀଛାତ୍ରଙ୍କ ନିମନ୍ତେ ଖଡିପୂଜା ଆଦି କାର୍ଯ୍ୟକ୍ରମ ମନ୍ଦିରର ପୂଜକଙ୍କ ଦ୍ୱାରା ସମ୍ପନ୍ନ ହେବ ବୋଲି ଖବରଦାତା ସମ୍ମିଳନୀରେ ସୂଚନା ଦିଆଯାଇଛି।