ଭୋପାଳ,୧।୩: ମଧ୍ୟପ୍ରଦେଶରେ ସରକାରୀ ଜମି ହଡ଼ପ ମାମଲାରେ ଜଣେ ଚପରାସୀଙ୍କୁ ଆଜୀବନ କାରାଦଣ୍ଡାଦେଶ କରାଯାଇଛି। ଭୋପାଳରେ ଜିଲାପାଳଙ୍କ କାର୍ଯ୍ୟାଳୟରେ କାମ କରୁଥିବା ବାବୁଲାଲ ସୁନହରେଙ୍କ ବିରୋଧରେ ସରକାରୀ ଜମି ହଡ଼ପ ଅଭିଯୋଗ ହୋଇଥିଲା। ସେ ଏମ୍ପି ନଗରରେ ଏହି ଜମି ହଡ଼ପ କରିଥିଲେ। ସ୍ବତନ୍ତ୍ର ବିଚାରପତି ସଞ୍ଜିବ୍ ପାଣ୍ଡେ ମାମଲାର ବିଚାର କରି ଦଣ୍ଡାଦେଶ କରିଛନ୍ତି। ୨୦୦୩ରୁ ୨୦୦୭ ମଧ୍ୟରେ ବାବୁଲାଲ ଏମ୍ପି ନଗରର ଜୋନ୍-୧ ଗାୟତ୍ରୀ ମନ୍ଦିର ନିକଟରେ ଥିବା ସରକାରୀ ଜମି ହଡ଼ପ କରିଥିଲେ। ୨୦୦୮ରେ ଏନେଇ ମାମଲା ରୁଜୁ ହୋଇଥିଲା।