ଆନନ୍ଦପୁର,୮।୧୦(ସ୍ବ.ପ୍ର.)- ଆନନ୍ଦପୁର ବନଖଣ୍ଡ ଅଧୀନସ୍ଥ ପୀତାନାଉ ସଂରକ୍ଷିତ ଜଙ୍ଗଲର ବରକନ୍ୟା ଘାଟି ନିକଟରେ ବନବିଭାଗ ପକ୍ଷରୁ ଚଢାଉ କରାଯାଇ ୫୦ ହଜାର ଟଙ୍କାରୁ ଊର୍ଦ୍ଧ୍ୱ ମୂଲ୍ୟର ଶାଗୁଆନ କାଠ ଜବତ ହୋଇଛି। ଏହି ଘଟଣାରେ ୩ ଅଭିଯୁକ୍ତ ଗିରଫ ହୋଇଛନ୍ତି। ଗିରଫ ଅଭିଯୁକ୍ତମାନେ ହେଲେ ଆନନ୍ଦପୁର ଥାନା ଅଧୀନ କାଠକଟା ଗ୍ରାମର ରଥ ମହାନ୍ତ, ରମେଶ ମହାନ୍ତ, ମିଲନ୍ ମହାନ୍ତ। ଅନ୍ୟ ଜଣେ ଅଭିଯୁକ୍ତ ଚତୁରତରାର ସହ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ପାଇଁ ଡିଏଫଓ ଅଜିତ ଶତପଥୀଙ୍କ ନିର୍ଦ୍ଦେଶକ୍ରମେ ଏସିଏଫ ପ୍ରଫୁଲ୍ଲ କୁମାର ମଲ୍ଲିକ, ହଦଗଡ ରେଞ୍ଜ ଅଫିସର ସୁମୀତ ମହାନ୍ତି, ଫରେଷ୍ଟର ଡମ୍ବରୁଧର ମହାନ୍ତ, ଅନନ୍ତ ଚରଣ ପରିଡା, ଗାର୍ଡ ଲକ୍ଷ୍ମୀଧର କିସ୍କୁ, ବାପୁଜୀ ସାହୁ, ମନ୍ମଥ ସାହୁ ଓ ଜଙ୍ଗଲ ସୁରକ୍ଷା କର୍ମୀଙ୍କ ସହାୟତାରେ ଚଢାଉ ହୋଇଥିଲା। ପଣ୍ଡା ହଳରେ ୩ ଗୋଟି ଶାଗୁଆନ୍ ଲଗ୍ ଚୋରା ଚାଲାଣ ହେଉଥିବା ସମୟରେ ବନ ବିଭାଗ କର୍ମଚାରୀମାନେ ଚଢାଉ କରିଥିଲେ। ଜବତ ସାମଗ୍ରୀ ମଧ୍ୟରେ ଶାଗୁଆନ ୩ ଟି ଗଣ୍ଡି ରହିଛି। ଯାହାର ମୂଲ୍ୟ ୫୫ ହଜାର ଟଙ୍କା ହେବ।
