ମାଲକାନଗିରି,୧୩ା୫ (ଡି.ଏନ୍.ଏ.): ନିଜ ରାଜ୍ୟ ହାଇଦ୍ରାବାଦର ସିକନ୍ଦରାବାଦକୁ ଚାଲିଚାଲି ଯାଉଥିବା ୫୫ ଜଣ ଶ୍ରମିକଙ୍କୁ ମାଲକାନଗିରି ଜିଲା ପ୍ରଶାସନ ବୁଧବାର ଗାଡି ବ୍ୟବସ୍ଥା କରି ନିଜ ରାଜ୍ୟକୁ ପଠାଇଛନ୍ତି। ଏହି ଶ୍ରମିକମାନେ ଚାଲିଚାଲି ଓଡିଶା ସୀମାନ୍ତ ମୋଟୁ ଠାରେ ପହଞ୍ଚତ୍ବା ପରେ ସେଠାରେ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇ ରଖାଯାଇଥିଲା। ସେଠାରେ ସେମାନେ ୩ ଦିନ ଧରି ଥିଲେ। ଜିଲା ପ୍ରଶାସନ ପକ୍ଷରୁ ସେମାନଙ୍କ ଖାଇବା, ରହିବା ଆଦି ବ୍ୟବସ୍ଥା କରାଯାଇଥିଲା। ଶ୍ରମିକ ମାନେ ଗଣମାଧ୍ୟମ ଜରିଆରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କୁ ତାଙ୍କୁ ଏଠାରୁ ନେବା ପାଇଁ ଅନୁରୋଧ କରିଥିଲେ ମଧ୍ୟ ପଶ୍ଚିମବଙ୍ଗ ସରକାର ଶୁଣି ନ ଥିଲେ। ପରେ ସେମାନେ ମାଲକାନଗିରି ଜିଲା ପ୍ରଶାସନକୁ ସେମାନଙ୍କୁ ନିଜ ରାଜ୍ୟକୁ ପଠାଇବା ପାଇଁ ଅନୁରୋଧ କରିଥିଲେ। ଜିଲାପାଳ ମନୀଷ ଅଗ୍ରଓ୍ବାଲ ପଶ୍ଚିମବଙ୍ଗ ମେଦିନିପୁର ଜିଲାପାଳଙ୍କ ସହ ଟେଲିଫୋନ ଯୋଗେ କଥା ହୋଇ ବୁଧବାର ଏକ ସ୍ବତନ୍ତ୍ର ବସ୍ ଯୋଗେ ଶ୍ରମିକମାନଙ୍କୁ ପଶ୍ଚିମବଙ୍ଗ ପଠାଇଥିଲେ। ପ୍ରତ୍ୟେକଙ୍କୁ ଶୁଖିଲା ଖାଦ୍ୟ ପୁଡିଆ ସହ ୫୦୦ ଟଙ୍କା ଲେଖାଏ ଜିଲା ପ୍ରଶାସନ ପକ୍ଷରୁ ପ୍ରଦାନ କରାଯାଇଛି। ସେମାନେ ପଶ୍ଚିମବଙ୍ଗ ସୀମାନ୍ତରେ ପହଞ୍ଚତ୍ଲା ପରେ ମେଦିନିପୁର ଜିଲାପାଳ ସେମାନଙ୍କୁ ନିଜ ନିଜ ଗ୍ରାମକୁ ପଠାଇବା ବ୍ୟବସ୍ଥା କରିବେ ବୋଲି ଜିଲାପାଳ ଅଗ୍ରଓ୍ବାଲ କହିଛନ୍ତି। ଏହି ଶ୍ରମିକମାନଙ୍କ ମଧ୍ୟରେ ପଶ୍ଚିମବଙ୍ଗର ମୁର୍ସିଦାବାଦ ଜିଲାର ୨୯ ଜଣ, ବର୍ଦ୍ଦମାନ ଜିଲାର ୯ ଜଣ, ବଙ୍କୁଡା ଜିଲାର ୯ ଜଣ, ମାଲଦା ଉତ୍ତର ବିନାୟକର ୨ ଜଣ ଏବଂ ଅନ୍ୟ ୧୬ ଜଣ ଅନ୍ୟାନ୍ୟ ଜିଲାର ରହିଛନ୍ତି। ଏହି ସମୟରେ ପିଡି ବାଳମୁକୁନ୍ଦ ଭୂୟାଁଙ୍କ ସହ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ।