କଟକ ଅଫିସ୍,୨୯ା୩: ଲକ୍ଡାଉନ୍ ଯୋଗୁ କଟକ ଜିଲା ଦେଇ ଯାଇଥିବା ଜାତୀୟ ରାଜପଥ ପାର୍ଶ୍ୱସ୍ଥ ଗ୍ୟାରେଜ ଗୁଡ଼ିକ ବନ୍ଦ ରହିଛି। ଫଳରେ ରାଜପଥରେ ଚଳାଚଳ କରୁଥିବା ମାଲ୍ବାହୀ ଗାଡ଼ିଗୁଡ଼ିକୁ ଅସୁବିଧାର ସମ୍ମୁଖୀନ ହେବାକୁ ପଡୁଛି। ଏହାକୁ ଦୃଷ୍ଟିରେ ରଖି ୫ଟି ଗ୍ୟାରେଜ୍କୁ ଖୋଲା ରଖିବାକୁ କଟକ ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ଅନୁମତି ଦିଆଯାଇଛି। ସେଗୁଡ଼ିକ ହେଲା ମଙ୍ଗୁଳିର ତୃପ୍ତି ଅଟୋମେଟିଭ୍, ରଶ୍ମି ମୋଟର୍ସ ଏବଂ କଲିକତା ଟାୟାର୍ ସର୍ଭିସ୍, ଫୁଲନଖରା ଆଦିତ୍ୟ ମହିନ୍ଦ୍ରା ଏବଂ ବିରୁପା କେନାଲ୍ ରୋଡ୍ସ୍ଥ ନରସିଂହ ଟେକ୍ନୋ ଇଞ୍ଜିନିୟରିଂ ସଲ୍ୟୁଶନ୍। ତେବେ ଗ୍ୟାରେଜ୍ ଖୋଲିବା ପାଇଁ କେତେକ ସତ୍ତର୍ର୍ ରଖାଯାଇଛି। ଗାଇଡ୍ଲାଇନ୍ ଅନୁଯାୟୀ ଗ୍ୟାରେଜ୍ରେ ସାମାଜିକ ଦୂରତା ରକ୍ଷା କରିବା, ଭିଡ଼ ନ କରିବା, ଆସୁଥିବା ଡ୍ରାଇଭରମାନଙ୍କୁ ହାତ ଗୋଡ଼ ଧୋଇବାକୁ ପରାମର୍ଶ ଦେବା, କମ୍ସଂଖ୍ୟକ କର୍ମଚାରୀଙ୍କୁ ନେଇ କାର୍ଯ୍ୟ କରିବା, କେବଳ ମାଲ୍ବାହୀ ଗାଡ଼ିର ମରାମତି କରିବା, ସୋ ରୁମ୍ ଖୋଲା ନ ରଖିବା, କର୍ମଚାରୀମାନେ ବୈଧ ପରିଚୟପତ୍ର ପରିଧାନ କରିବାକୁ ସର୍ତ୍ତ ରଖାଯାଇଛି ବୋଲି କଟକ ଆର୍ଟିଓ ପକ୍ଷରୁ ସୂଚନା ମିଳିଛି।