କୋରୁକୋଣ୍ଡା,୧୮ା୩(ଡି.ଏନ.ଏ): ମାଲକାନଗିରି ଜିଲା କୋରୁକୋଣ୍ଡା ବ୍ଲକ ଚିତାପାରି-୩ ପଞ୍ଚାୟତ ଅନ୍ତର୍ଗତ ଏମଭି-୧୦୪ ଗ୍ରାମର ଗୋଟିଏ ପରିବାରର ୫ ଜଣ ସଦସ୍ୟ ବିଦେଶ ଯାଇ ଫେରିଥିବାରୁ ସେମାନଙ୍କୁ ସନ୍ଦେହରେ ମେଡିକାଲ ପରୀକ୍ଷା କରାଯାଇଛି। ଗତ ଦୁଇ ମାସ ତଳେ ଏହି ପରିବାର ବାଂଲାଦେଶକୁ ଯାଇଥିଲେ। ଗତ ୩ ଦିନ ତଳେ ସେମାନେ ନିଜ ଗ୍ରାମକୁ ଫେରିଥିଲେ। ସରକାରଙ୍କ ନିୟମାବଳୀ ଅନୁଯାୟୀ ସେମାନେ ଚିକିତ୍ସାଳୟ ଆସି ପରୀକ୍ଷା କରିଛନ୍ତି। ବୁଧବାର ସେମାନେ ବାଲିମେଳା ଆଞ୍ଚଳିକ ସ୍ବାସ୍ଥ୍ୟକେନ୍ଦ୍ରକୁ ଆସି ନାମ ପଞ୍ଜୀକରଣ କରାଇବା ସହ ନିଜ ନିଜର ସ୍କ୍ରିନିଂ ଟେଷ୍ଟ କରାଇଥିଲେ। ଖବର ପାଇ କାର୍ଯ୍ୟନିର୍ବାହୀ ଅଧିକାରୀ କୃଷ୍ଣଚନ୍ଦ୍ର ରଥ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚତ୍ ସଙ୍ଗେସଙ୍ଗେ ଏ ସମ୍ପର୍କରେ ବିଡ଼ିଓ ଦାଶରଥି ସରାବୁ ଏବଂ କୋରୁକୋଣ୍ଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ ଦେବାଶିଷ ନାୟକଙ୍କୁ ଖବର ଦେଇଥିଲେ। ଚିକିତ୍ସାଳୟ ପକ୍ଷରୁ ଉକ୍ତ ପରିବାରକୁ ନିଜ ଘରେ ୧୫ ଦିନ ପାଇଁ ଆଇସୋଲେଟେଡ଼ ହୋଇ ରହିବା ପାଇଁ କୁହାଯାଇଛି। ଏଥିପାଇଁ ଲୋକମାନେ ଭୟଭୀତ ନ ହେବା ପାଇଁ କୁହାଯାଇଛି।