ମେକ୍ସିକୋ ସିଟି,୨୩।୧୨: ବିଶ୍ୱର ସବୁଠାରୁ ଧନୀ ବ୍ୟକ୍ତି ତଥା ଆମାଜନର ପ୍ରତିଷ୍ଠାତା ଜେଫ ବେଜୋସ ଖୁବ ଶୀଘ୍ର ତାଙ୍କ ପ୍ରେମିକା ଲୌରେନ ସାଞ୍ଚେଜଙ୍କ ସହ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି।
ଏହି ବିବାହ କୋଲୋକାଡୋର ଆସପେନ ସହରରେ ଅନୁଷ୍ଠିତ ହେବ। ଏହି ବିବାହର ମୂଲ୍ୟ ପ୍ରାୟ ୬୦୦ ନିୟୁତ ଡଲାର (୫୦୯୬କୋଟି ଟଙ୍କା) ହେବ ବୋଲି ଅନୁମାନ କରାଯାଉଛି।
ନ୍ୟୁୟର୍କ ପୋଷ୍ଟ ଅନୁଯାୟୀ ଏହି ବିବାହ ଆସନ୍ତା ଶନିବାର ପାଇଁ ଧାର୍ଯ୍ୟ କରାଯାଇଛି। ତେବେ ଜେଫ ବେଜୋସ ଏବଂ ଲୌରେନ ସାଞ୍ଚେଜ ବିବାହ ତାରିଖ ସମ୍ପର୍କରେ କୌଣସି ଅଫିସିଆଲ ସୂଚନା ଦେଇ ନାହାଁନ୍ତି।
ଗଣମାଧ୍ୟମର ରିପୋର୍ଟ ଅନୁଯାୟୀ, ବିବାହର ନିମନ୍ତ୍ରଣ ବିଶ୍ୱର ହାଇ-ପ୍ରୋଫାଇଲ ବ୍ୟକ୍ତିତ୍ୱମାନଙ୍କୁ ପଠାଯାଇଛି । ବିଲ ଗେଟ୍ସ, ଲିଓନାର୍ଡୋ ଡିକାପ୍ରିଓଙ୍କ ପରି ବ୍ୟକ୍ତିମାନେ ଏହି ବିବାହ ଉତ୍ସବରେ ଯୋଗ ଦେଇପାରନ୍ତି । ଜେଫ ବେଜୋସ କେଭିନ କଷ୍ଟର୍ନକୁ ବିବାହ ସ୍ଥାନ ଭାବରେ ବାଛିଛନ୍ତି। ୧୬୦ଏକର ପରିସରରେ ବିସ୍ତାର, ଏହି ସ୍ଥାନ୨୬ ଏବଂ ୨୭ ଡିସେମ୍ବର ପାଇଁ ବୁକ ହୋଇଛି ।
ଲୌରେନ ସାଞ୍ଚେଜ ଜଣେ ସାମ୍ବାଦିକା, ଟିଭି ହୋଷ୍ଟ ଏବଂ ହେଲିକପ୍ଟର ପାଇଲଟ। ଡିସେମ୍ବର ୯, ୧୯୬୯ରେ ନ୍ୟୁ ମେକ୍ସିକୋର ଆଲବୁକର୍କରେ ଜନ୍ମଗ୍ରହଣ କରିଥିବା ଲୌରେନ ମଧ୍ୟ ମହାକାଶ ଅନୁସନ୍ଧାନ କ୍ଷେତ୍ରରେ କାର୍ଯ୍ୟ କରିଛନ୍ତି।
୨୦୦୫ରେ, ଲୌରେନ ହଲିଉଡ ଏଜେଣ୍ଟ ପାଟ୍ରିକ ୱାଇଟସେଲଙ୍କୁ ବିବାହ କରିଥିଲେ। ୨୦୧୯ରେ ଦୁହିଁଙ୍କ ଛାଡପତ୍ର ହୋଇଥିଲା। ପାଟ୍ରିକ ସହିତ ତାଙ୍କର ଦୁଇଟି ସନ୍ତାନ ଅଛନ୍ତି । ୨୦୧୮ଠାରୁ ଲୌରେନ ଏବଂ ଜେଫ ସମ୍ପର୍କରେ ଅଛନ୍ତି । ୨୦୧୯ମସିହାରେ, ଜେଫ ବେଜୋସ ତାଙ୍କ ସ୍ତ୍ରୀ ମ୍ୟାକେଙ୍କି ସ୍କଟଙ୍କୁ ଛାଡପତ୍ର ଦେଇଥିଲେ। ବେଜୋସଙ୍କର ତିନୋଟି ପୁଅ ଏବଂ ଏକ ପୋଷ୍ୟ କନ୍ୟା ମଧ୍ୟ ଅଛନ୍ତି । ମ୍ୟାକେଙ୍କି ସ୍କଟ ଜଣେ ଶିକ୍ଷକ ଡାନ ଜୁଏଟଙ୍କୁ ମଧ୍ୟ ବିବାହ କରିଛନ୍ତି।
