ନୂଆଦିଲ୍ଲୀ,୨୭।୫: ମଙ୍ଗଳବାର ଘରୋଇ ଯାତ୍ରୀ ସେବା ପ୍ରଦାନକାରୀ କମ୍ପାନୀ ଉବର ଇଣ୍ଡିଆ ୨ୟ ଥର ପାଇଁ ପ୍ରାୟ ୬ଶହ ପୂର୍ଣ୍ଣକାଳୀନ କର୍ମଚାରୀଙ୍କୁ ଛଟେଇ କରିଛି। କରୋନା ମହାମାରୀର ପ୍ରଭାବ ଯୋଗୁ କମ୍ପାନୀ ନାନା ସମସ୍ୟା ସହ ବାଣିଜ୍ୟ କାରବାରରେ କ୍ଷତି ସହୁଛି। କମ୍ପାନୀ ଗତ କିଛି ମାସ ହେଲା ଆଶାନୁରୂପ ବାଣିଜି୍ୟକ କାରବାର କରିପାରୁନାହିଁ। ଲକ୍ଡାଉନ ପାଇଁ ଯାତ୍ରୀ ସେବା ବନ୍ଦ ଥିବାରୁ କମ୍ପାନୀ ବ୍ୟାପକ ଆର୍ଥତ୍କ ମାନ୍ଦାବସ୍ଥାରେ ସମ୍ମୁଖୀନ ହୋଇଛି। ଅନ୍ୟପକ୍ଷରେ କୋଭିଡ୍-୧୯ ସଂକ୍ରମଣର ଭୟାବହତା ପାଇଁ ଗ୍ରାହକମାନେ ମଧ୍ୟ ପୂର୍ବପରି ଆଉ ଗାଡି ବୁକିଂ କରୁନାହାନ୍ତି। କମ୍ପାନୀର ରାଜସ୍ବ କ୍ଷତି ସହ ଅନେକ ସମସ୍ୟା ସୃଷ୍ଟି ହୋଇଥିବା କମ୍ପାନୀ ସିଇଓ ପ୍ରଦୀପ ପରମେଶ୍ୱରନ ସୂଚନା ଦେଇଛନ୍ତି। ବିଭିନ୍ନ ରାଜ୍ୟରେ କମ୍ପାନୀର କର୍ମଚାରୀ କାର୍ଯ୍ୟ କରୁଛନ୍ତି। କମ୍ପାନୀ ବ୍ୟାପକ କ୍ଷତିରେ ଚାଲୁଥିବାରୁ ଉକ୍ତ କର୍ମଚାରୀଙ୍କୁ ଆବଶ୍ୟକ ବେତନଠାରୁ ଆରମ୍ଭକରି ଅନ୍ୟାନ୍ୟ ସୁବିଧା ଯୋଗାଇବା ସମ୍ଭବ ହେଉନାହିଁ। କମ୍ପାନୀ ଗତ କିଛିଦିନ ତଳେ ୩୭ଶହ କର୍ମଚାରୀ ଛଟେଇ ସହ ୪୫ଟି କାର୍ଯ୍ୟାଳୟକୁ ବନ୍ଦ କରିଦେଇଥିବା ଜଣାପଡ଼ିଛି।