ଆନନ୍ଦପୁର,୧୮।୩(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ଅବକାରୀ ବିଭାଗ ଓ ପୋଲିସର ମିଳିତ ଚଢ଼ାଉରେ ବହୁଳ ପରିମାଣର ଦେଶୀ ମଦ, ରନ୍ଧାସାମଗ୍ରୀ ଜବତ ହୋଇଛି। ଘଟଣାରେ ସମ୍ପୃକ୍ତ ୨ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ସେମାନେ ହେଲେ କଣ୍ଟିପାଳର ସୁବାସ ନାୟକ(୨୫) ଓ ନିତ୍ୟାନନ୍ଦ ନାହାକ(୬୦)।
କେନ୍ଦୁଝର ଜିଲା ଅବକାରୀ ବିଭାଗ ସୁପରିଣ୍ଟେଣ୍ଡେଣ୍ଟ ସୀତାକାନ୍ତ ମୁଦୁଲି, ଆନନ୍ଦପୁର ଉପଜିଲାପାଳ ରବୀନ୍ଦ୍ର କୁମାର ସାହୁଙ୍କ ନିର୍ଦ୍ଦେଶରେ ଏହି ଚଢ଼ାଉ ହୋଇଥିଲା। ଆନନ୍ଦପୁର ଅବକାରୀ ବିଭାଗ ଇନ୍ସପେକ୍ଟର ସନ୍ତୋଷ ପ୍ରଧାନଙ୍କ ତତ୍ୱାବଧାନରେ ଅବକାରୀ ବିଭାଗ ଅଫିସ ଇନ୍ଚାର୍ଜ ନରେନ୍ଦ୍ର ପ୍ରଧାନ, ଅବକାରୀ ବିଭାଗ କର୍ମଚାରୀଙ୍କ ସହିତ ପୋଲିସର ସ୍ବତନ୍ତ୍ର ସ୍କାଡ୍ ଏହି ଚଢ଼ାଉରେ ସାମିଲ ହୋଇ ଆନନ୍ଦପୁର ଥାନା କଣ୍ଟିପାଳ ପଞ୍ଚାୟତର ବାଘମରା ସାହି, ମହାପାତ୍ର ସାହି, ପଇତାପାଣିର ୬ଟି ସ୍ଥାନରେ ଚଢ଼ାଉ କରିଥିଲୋ। ଚଢ଼ାଉରେ ୬ ଶହ ଲିଟର ଦେଶୀ ମଦ, ୯୨୮୦ କେଜି ମହୁଲ ପୋଚ ଜବତ କରାଯିବା ସହ ବହୁ ପରିମାଣରେ ରନ୍ଧାମଦକୁ ନଷ୍ଟ କରାଯାଇଛି। ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଅବକାରୀ ବିଭାଗ ଓଆଇସି ନରେନ୍ଦ୍ର ପ୍ରଧାନ ସୂଚନା ଦେଇଛନ୍ତି।