ରାଇକିଆ,୨୮।୧୦(ଡି.ଏନ୍.ଏ): କନ୍ଧମାଳ ଜିଲା ରାଇକିଆ ପୋଲିସ ସୋମବାର ଗଞ୍ଜେଇ ଚାଲାଣ ଅଭିଯୋଗରେ ଜଣେ ଡ୍ରାଇଭରଙ୍କ ସମେତ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେମାନେ ହେଲେ ନୟାଗଡ଼ର ରବିନ୍ଦ୍ର ଖୁଣ୍ଟିଆ, ଫିରିଙ୍ଗିଆ କେଳାପଡ଼ାର ଟୁକୁନା ଦିଗାଳ, ଆମ୍ବେଦକର ବାଗ।
ସୂଚନାଯୋଗ୍ୟ, ରବିବାର ପାଟ୍ରୋଲିଂ ବେଳେ ଏକ କାର୍ ନଂ. (ଓଆର ୦୨ ଏଜେ ୯୫୨୭)ରେ ଗଞ୍ଜେଇ ଚାଲାଣ ହେଉଥିବା ନେଇ ପୋଲିସ କାୈଣସି ସୂତ୍ରରୁ ଖବର ପାଇଥିଲା। ପୋଲିସ ପକ୍ଷରୁ ଉକ୍ତ କାର୍କୁ ଅଟକାଇ ପଚରାଉଚରା ବେଳେ ସେଥିରେ ଗଞ୍ଜେଇ ଥିବା ଜାଣିବାକୁ ପାଇଥିଲା । ଯାଞ୍ଚ ବେଳେ ଗାଡ଼ିରୁ ତିନୋଟି ବସ୍ତାରେ ୬୨ କେଜି ଗଞ୍ଜେଇ ଜବତ ହୋଇଥିଲା। ପରେ ଅଭିଯୁକ୍ତଙ୍କୁ ଗିରଫ କରିବା ସହ କାର୍କୁ ଜବତ କରିଥିଲା ପୋଲିସ। ଏ ନେଇ ଏକ କେସ୍ ନଂ ୭୫/୧୯ରେ ମାମଲା ରଜୁ କରାଯିବା ସହ ମାଜିଷ୍ଟ୍ରେଟ୍ଙ୍କ ଉପସ୍ଥିତିରେ ଓଜନ ପ୍ରକ୍ରିୟା ଶେଷ ହେବା ପରେ ଅଭିଯୁକ୍ତଙ୍କୁ ଜି.ଉଦୟଗିରି କୋର୍ଟ ଚାଲାଣ କରାଯାଇଛି ।