ପୁରୀ ଅଫିସ, ୧୩ାା୮: ଚନ୍ଦନପୁର ଥାନା ଅନ୍ତର୍ଗତ ସେନାପଟିଆ ଅଞ୍ଚଳରୁ ମଙ୍ଗଳବାର ସକାଳେ ଏକ ଅଜଗର ସାପ ଉଦ୍ଧାର କରାଯାଇଛି। ଏହି ସାପର ଲମ୍ବ ପ୍ରାୟ ୬ ଫୁଟ ରହିଛି। ଗାଁ ଲୋକେ ସାପଟିକୁ ଦେଖି ପ୍ରଥମେ ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ। ଏଥିସହ ବନ ବିଭାଗକୁ ମଧ୍ୟ ଜଣାଇଥିଲେ। ସ୍ନେକ ହେଲ୍ପ ଲାଇନ ସହାୟତାରେ ଗ୍ରାମବାସୀ ସାପକୁ କାବୁ କରିଥିଲେ। ବନ ବିଭାଗ କର୍ମଚାରୀ ପହଞ୍ଚତ୍ବା ପରେ ସାପକୁ ହସ୍ତାନ୍ତର କରିଥିଲେ।
ସାପକୁ ଉଦ୍ଧାର କରିବା ପରେ ବନ ବିଭାଗ କର୍ମଚାରୀ ତାକୁ ପୁରୀ ରେଞ୍ଜ ଅଫିସରେ ଆଣି ରଖିଛନ୍ତି। ରେଞ୍ଜ ଅଧିକାରୀଙ୍କ ସୂଚନା ଅନୁଯାୟୀ, ସାପଟିକୁ କିଛିଦିନ ଅବ୍ଜରଭେସନରେ ରଖାଯିବ। ଏହାପରେ ବାଲୁଖଣ୍ଡ ଅଭୟାରଣ୍ୟରେ ଛାଡି ଦିଆଯିବ। ପୂର୍ବରୁ ମଧ୍ୟ ସେନାପଟିଆ ନିକଟବର୍ତ୍ତୀ ସିଙ୍ଗିପୁର ଅଞ୍ଚଳରୁ ୧୦ ଫୁଟ ଲମ୍ବର ଅଜଗର ଉଦ୍ଧାର ହୋଇଥିଲା। ଯେହେତୁ ପାଖରେ ଭାର୍ଗବୀ ନଦୀ ରହିଛି, ତେଣୁ ବନ୍ୟା ଜଳରେ ସାପଟି ଭାସି ଆସିଥିବା ଗ୍ରାମବାସୀ ସନ୍ଦେହ କରୁଛନ୍ତି ।
