ବାର୍ସିଲୋନା,୨୮।୧୧- ବିଶ୍ୱର ଅନ୍ୟତମ ଲୋକପ୍ରିୟ ଫୁଟବଲ ଖେଳାଳି ଲିଓନେଲ ମେସି ନିଜର କ୍ଲବ ସ୍ତରୀୟ କ୍ୟାରିୟରର ୭୦୦ତମ ମ୍ୟାଚ୍ରେ ଗୋଲ ସ୍କୋର କରିଛନ୍ତି। ତାଙ୍କ ସହ ଲୁଇସ ସୁଆରେଜ (୩୩ତମ ମିନିଟ୍) ଓ ଆଣ୍ଟିନୋ ଗ୍ରିଜମ୍ୟାନ(୬୭ତମ)ଙ୍କ ଗୋଲ ବଳରେ ବାର୍ସିଲୋନା ୩-୧ ଗୋଲରେ ବରୁସିଆ ଡର୍ଟମୁଣ୍ଡକୁ ହରାଇ ଦେଇଛି। ଏହି ବିଜୟ ଯୋଗୁ ଦଳ ଚାମ୍ପିୟନ୍ସ ଲିଗ୍ ନକ୍ଆଉଟ ପର୍ଯ୍ୟାୟରେ ପ୍ରବେଶ କରିଛି। ମ୍ୟାଚ୍ର ୨୯ତମ ମିନିଟରେ ବାର୍ସିଲୋନା ମେସିଙ୍କ ଗୋଲ ଜରିଆରେ ଖାତା ଖୋଲିଥିଲା। ବାର୍ସିଲୋନା ପାଇଁ ୭୦୦ ମ୍ୟାଚ୍ ଖେଳିିଥିବା ମେସିଙ୍କ ନାମରେ ୬୧୩ ଗୋଲ ଓ ୨୩୭ ଆସିଷ୍ଟ ରହିଛି। ଚାମ୍ପିୟନ୍ସ ଲିଗ୍ରେ ସେ ଏପର୍ଯ୍ୟନ୍ତ ୩୪ଟି ଦଳ ବିପକ୍ଷରେ ଗୋଲ ସ୍କୋର କରିସାରିଛନ୍ତି। ତେବେ ବାର୍ସିଲୋନା ପାଇଁ ଏଭଳି ମାଇଲଷ୍ଟୋନ ସ୍ପର୍ଶ କରିବାରେ ମେସି ଦ୍ୱିତୀୟ ଖେଳାଳି। ଡିଫେଣ୍ଡିଂ ଚାମ୍ପିୟନ ବାର୍ସିଲୋନା ପକ୍ଷରୁ ଜାଭି ହେର୍ନାଣ୍ଡେଜ ସର୍ବାଧିକ ୭୬୭ ମ୍ୟାଚ୍ ଖେଳିଛନ୍ତି।
୧