ବଲିଉଡ୍ ଅଭିନେତା ଅଙ୍ଗଦ ବେଦୀ ୩୭ ବର୍ଷରେ ପଦାର୍ପଣ କରିଛନ୍ତି। ୧୯୮୩ ମସିହା ଫେବୃୟାରୀ ୬ରେ ନୂଆଦିଲ୍ଲୀରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ବିଶେନ ସିଂ ବେଦୀ ଭାରତର ଜଣେ ପ୍ରସିଦ୍ଧ କ୍ରିକେଟ ଖେଳାଳି ଥିଲେ। ପିତା କ୍ରିକେଟର୍ ଥିବା ସତ୍ତ୍ୱେ ଅଙ୍ଗଦ ଅଭିନୟରେ କ୍ୟାରିୟର ଆରମ୍ଭ କରିଥିଲେ। ୨୦୧୮ରେ ସେ ଅଭିନେତ୍ରୀ ନେହା ଧୁପିଆଙ୍କୁ ଲୁଚିଛପି ବିବାହ କରିଥିଲେ। ନେହାଙ୍କୁ ବିବାହ ପୂର୍ବରୁ ସେ ୭୫ ଜଣ ଯୁବତୀଙ୍କୁ ଡେଟିଂ କରିଥିଲେ ବୋଲି ନିକଟରେ ଖୁଲାସା କରିଛନ୍ତି ଅଙ୍ଗଦ। ଏଥିମଧ୍ୟରେ ନିଜ ବୟସଠୁ ବଡ ଯୁବତୀ ସାମିଲ ଥିଲେ। କୌଣସି ଗର୍ଲଫ୍ରେଣ୍ଡଙ୍କ ସହ ସମ୍ପର୍କ ଅଧିକ ଦିନ ତିଷ୍ଠି ପାରୁ ନ ଥିଲା। ନେହାଙ୍କୁ ବିବାହ କରିବା ପୂର୍ବରୁ ତାଙ୍କୁ ଏକଥା ଜଣାଇଥିଲି। ଏହାଶୁଣି ସେ ଆଶ୍ଚର୍ଯ୍ୟ ହୋଇଯାଇଥିଲେ ବୋଲି ଅଙ୍ଗଦ କହିଛନ୍ତି। ଆଗାମୀ ଫିଲ୍ମ ‘ଗୁଞ୍ଜନ ସକ୍ସେନା’ରେ ସେ ଜାହ୍ନବୀ କପୁରଙ୍କ ସହ ନଜର ଆସିବେ।