![](https://www.dharitri.com/wp-content/uploads/2019/06/yoga-2.jpg)
କଟକ ଅଫିସ,୨୧।୬: ଶୁକ୍ରବାର ଦେଶ ତଥା ରାଜ୍ୟର ବିଭିନ୍ନ ସ୍ଥାନରେ ପାଳିତ ହେଉଛି ଅନ୍ତର୍ଜାତୀୟ ଯୋଗ ଦିବସ। ଏହି ଅବସରରେ କଟକ ଚାନ୍ଦିନିଚୌକ ବ୍ରାହ୍ମଣସାହିର ଜଣେ ବୃଦ୍ଧ ପାଣିରେ ଯୋଗ କରିଛନ୍ତି। ସେ ହେଲେ ଶିବାଜୀ ସିଂହ। ତାଙ୍କୁ ଏବେ ୭୭ବର୍ଷ। ପରିଣତ ବୟସରେ ମଧ୍ୟ ସେ ଯୋଗକୁ ନିରୋଗ ରହିବାର ଅସ୍ତ୍ର ଭାବେ ବିବେଚନା କରନ୍ତି। ଏହି ଦିବସର ମହାନିୟତାକୁ ଜଣାଇବାକୁ ଯାଇ ଶିବାଜୀ ମହାନଦୀ ଗଡ଼ଗଡ଼ିଆ ଘାଟିରେ ପଦ୍ମାସନ ଓ ଶବାସନ ଭଳି ଆସନ କରି ଚର୍ଚ୍ଚାକୁ ଆସିଛନ୍ତି।
ଦୀର୍ଘ ୨୦ ବର୍ଷ ଧରି ଶିବାଜୀ ଯୋଗମାର୍ଗକୁ ଆପଣାଇଛନ୍ତି। ଏପରି କରିବା ଦ୍ୱାରା ସେ ଅନେକ ରୋଗରୁ ନିଜକୁ ରକ୍ଷା କରିପାରିଛନ୍ତି। ପଦ୍ମାସନ କରିବା ଦ୍ୱାରା ପେଟ ନ ବାହାରିବା ସହ ଅନେକ ଫାଇଦା ମିଳିଥାଏ। ସେହିଭଳି ଶବାସନ ଦ୍ୱାରା ଶରୀରରେ ରକ୍ତ ଶର୍କରା ନିୟନ୍ତ୍ରଣରେ ରହିଥାଏ। ଏସବୁରୁ ରକ୍ଷା ପାଇବା ଲାଗି ଯୋଗ ଅଭ୍ୟାସ କରୁଛନ୍ତି ବୋଲି ସେ କୁହନ୍ତି। ସେ ପୋଲିସମାନଙ୍କୁ ପହଁରା ଶିକ୍ଷା ଦେଇଛନ୍ତି। ଏଥିସହ ଅନେକ ସ୍ଥାନରେ ଏଭଳି ପାଣିରେ ଯୋଗ କରି ସମସ୍ତଙ୍କୁ ଚକିତ କରୁଥିବା ପ୍ରକାଶ କରିଛନ୍ତି।