ଇସଲମାବାଦ୍, ୨୫।୭: ପାକିସ୍ତାନର ଉଦୀୟମାନ ଖେଳାଳି ଇମାମ ଉଲ ହକ୍ ୭-୮ ଯୁବତୀଙ୍କ ସହ ଆଫେୟାର୍ ରଖି ଫଶିଯାଇଛନ୍ତି। ଯୁବତୀଙ୍କ ସହ ତାଙ୍କ କଥିତ ହ୍ବାଟସଆପ୍ ଚାଟ୍ର ସ୍କ୍ରିନ୍ ସଟ୍ ଭାଇରାଲ୍ ହୋଇଛି। ସମ୍ପର୍କ ରଖି ସେ ଯୁବତୀଙ୍କୁ ଧୋକା ଦେଇଥିବା ଅଭିଯୋଗ ହୋଇଛି। ଗତ ୬ ମାସ ହେବ ସେ ବିଭିନ୍ନ ଯୁବତୀଙ୍କ ସହ ଚାଟ୍ କରୁଥିଲେ। କିନ୍ତୁ ବିବାହ କଥା ଉଠିରେ ସେ ଚାଟ୍ ବନ୍ଦ କରିଦେଉଥିଲେ ବୋଲି କୁହାଯାଉଛି। ଏହି ଘଟଣାରେ ଇମାମଙ୍କ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ। ସୂଚନାଯୋଗ୍ୟ, ଇମାମ ପାକିସ୍ତାନର ପୂର୍ବତନ ଅଧିନାୟକ ଇଞ୍ଜମାମ ଉଲ ହକ୍ ଭଣଜା। ସେ ପାକିସ୍ତାନ ପକ୍ଷରୁ ୩୬ଟି ଏକଦିବସୀୟ ମ୍ୟାଚ୍ ଖେଳି ୧୬୯୨ ରନ୍ କରିଛନ୍ତି।