ଶିମଲା,୨୫।୧: ହିମାଚଳପ୍ରଦେଶର ଜଣେ ୮ମ ଶ୍ରେଣୀ ଛାତ୍ର ୨ ଘଣ୍ଟା ୪୩ ମିନିଟ ସାଇକେଲ ଚଳାଇ ୪୫ କିମି ଦୂରତା ଅତିକ୍ରମ କରି ଏକ ରେକର୍ଡ କରିଛନ୍ତି। ସେ ସ୍ଥାନୀୟ ଉନାଠାରୁ ବଡ଼ସର ପର୍ଯ୍ୟନ୍ତ କୌଣସି ସ୍ଥାନରେ ନ ରହି ଲଗାତାର ସାଇକେଲ ଚଳାଇଥିଲେ। ଏବେ ଏହି କାର୍ଯ୍ୟ ପାଇଁ ଛାତ୍ର ଗୁରଦେବ ଠାକୁର ଅନ୍ତର୍ଜାତୀୟ ରେକର୍ଡ ବୁକ୍ରେ କମ୍ ବୟସ୍କ ସାଇକେଲ ଚାଳକ ଭାବେ ସ୍ଥାନୀତ ହୋଇଛନ୍ତି। ସେ ପ୍ରତିଦିନ ଉନାଠାରୁ ରାୟପୁର ପର୍ଯ୍ୟନ୍ତ ସାଇକେଲ ଚଳାଇବା ଅଭ୍ୟାସ କରୁଥିଲେ। ଏବେ ସେ ଉନାଠାରୁ ଦିଲ୍ଲୀ ସାଇକେଲ ଚଳାଇବା ଲାଗି ଲକ୍ଷ୍ୟ ରଖିଛନ୍ତି। ଗୁରଦେବ ୪ ବର୍ଷ ବୟସରୁ ସାଇକେଲ ଚଳାଇବା ଆରମ୍ଭ କରିଥିଲେ। ରୋଲର ସ୍କେଟିଂ ପ୍ରତି ତାଙ୍କର ରୁଚି ରହିଛି। ଏଥିରେ ସେ ସିବିଏସ୍ଇର ଜାତୀୟସ୍ତରୀୟ ପ୍ରତିଯୋଗିତାରେ ୫ମ ସ୍ଥାନ ହାସଲ କରିଛନ୍ତି।