ଚଣ୍ଡିଗଡ଼,୧୦।୬: ପଞ୍ଜାବର ସୁନମଠାରେ ପାଖାପାଖି ୧୫୦ ଫୁଟ ଗଭିର ବୋରଓ୍ବେଲରେ ଫସି ରହିଥିବା ୨ ବର୍ଷର ଶିଶୁର ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହୋଇଥିବା ଜଣାପଡିଛି। କୌଣସି ଅତ୍ୟାଧୁନିକ ଜ୍ଞାନ କୌଶଳ ପ୍ରୟୋଗ କରାଯାଇ ନ ଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ତେବେ ଶିଶୁଟିର ସୋମବାର ଜନ୍ମ ଦିନ ଥିବାରୁ ପରିବାର ଲୋକେ ଆଶା ଆଶଙ୍କା ମଧ୍ୟରେ ସମୟ କାଟୁଛନ୍ତି। ୨ ଦିନ ହେବ ଉଦ୍ଧାର କାର୍ଯ୍ୟ ଚାଲିଥିବା ବେଳେ ସୋମବାର ଯେଉଁ ପାଇପ୍ ଦେଇ ଉଦ୍ଧାର କରିବାକୁ ଚେଷ୍ଟା କରାଯାଉଥିଲା ତାହା ସାମାନ୍ୟ ବଙ୍କା ହୋଇ ଯିବାରୁ ଉଦ୍ଧାର କାର୍ଯ୍ୟରେ ବାଧା ଉପୁଜିଥିବା କୁହାଯାଉଛି। ଏପଟେ ପିଲାଟି ଆଉ ହଲଚଲ ହେଉ ନ ଥିବା ଆଲୋଚନା ମଧ୍ୟ ହେଉଛି। ଏହାକୁ ନେଇ ସୋସିଆଲ ମିଡିଆରେ ମଧ୍ୟ ସରକାରଙ୍କୁ ଅନେକ ସମାଲୋଚନା କରାଯାଉଥିବା ଦେଖାଯାଇଛି।