ବଡବିଲ, ୧୮।୫(ସ୍ବ.ପ୍ର.)-କେନ୍ଦୁଝର ଜିଲା ବଡବିଲ କଲେଜ ସମ୍ମୁଖରେ ଅଲ୍ଇଣ୍ଡିଆ ଷ୍ଟୁଡେଣ୍ଟ ଫେଡେରେଶନ(ଏଆଇଏସଏଫ୍) ବଡବିଲ ଶାଖା ତରଫରୁ ସୋମବାର ନିଆରା ଢଙ୍ଗରେ ବିକ୍ଷୋଭ ପ୍ରଦର୍ଶନ କରାଯାଇଛି। ସାମାଜିକ ଦୂରତ୍ୱ, ମାସ୍କ ପିନ୍ଧି ୮ ଦଫା ଦାବିରେ ପ୍ଲା-କାର୍ଡ ପ୍ରଦର୍ଶନ ପୂର୍ବକ ମୌନ ବିକ୍ଷୋଭ ପ୍ରଦର୍ଶନ ହୋଇଛି। ସୂଚନା ଅନୁଯାୟୀ, ଏଆଇଏସଏଫ୍ ବଡବିଲ ଶାଖାର ସମ୍ପାଦିକା ରିତୁ ପ୍ରସାଦ ଓ ଉପସଭାପତି ଆର଼୍ୟାନ ଜୟସ୍ବାଲଙ୍କ ନେତୃତ୍ୱରେ ଅନୁଷ୍ଠିତ ଏହି ବିକ୍ଷୋଭରେ ପ୍ରାୟ ୨୦ ଜଣ ଛାତ୍ରୀଛାତ୍ର ସାମିଲ ହୋଇଥିଲେ। ଦାବୀ ଗୁଡିକ ମଧ୍ୟରୋ ରାଜ୍ୟର ସମସ୍ତ ସ୍କୁଲ-କଲେଜ ଫି ଏକ ବର୍ଷ ପର୍ଯ୍ୟନ୍ତ ଛାଡ କରିବା, ଘରୋଇ କୋଚିଂ ସେଣ୍ଟରକୁ ବ୍ୟାନ କରିବା, ଶିକ୍ଷାକୁ ମୌଳିକ ଅଧିକାର ରୂପେ ଗ୍ରହଣ କରିବା, ସମଗ୍ର ଦେଶରେ ସମାନ ଶିକ୍ଷା ବ୍ୟବସ୍ଥା ଲାଗୁ କରିବା, ସବୁ କ୍ୟାମ୍ପସରେ ମାଗଣା ୱାଇ-ଫାଇ ସୁବିଧା ଆଦି ଅନ୍ତର୍ଭୁକ୍ତ ଥିବା ଜଣାପଡିଛି।