ମହିନ୍ଦ୍ରା ଗ୍ରୁପ୍ର ଚେୟାରମ୍ୟାନ ଆନନ୍ଦ ମହିନ୍ଦ୍ରା ବିଭିନ୍ନ ସମୟରେ ନିଜ ଟୁଇଟରରେ ଲୋକଙ୍କୁ ପ୍ରେରଣା ଦେବା ଭଳି କାହାଣୀ ଶେୟାର କରିଥାନ୍ତି। ଏବେ ସେ ଚଣ୍ଡିଗଡ ୯୪ ବର୍ଷୀୟା ହରଭଜନ କୌରଙ୍କ କାହାଣୀ ଶେୟାର କରିଛନ୍ତି। ପରିଣତ ବୟସରେ ହରଭଜନ ଆରମ୍ଭ କରିଛନ୍ତି ନିଜର ବ୍ୟବସାୟ। ଘରେ ବସି ସେ ବେସନର ବର୍ଫି ତିଆରି କରୁଛନ୍ତି। ଚାରି ବର୍ଷ ତଳେ ସେ ଏହି କାମ ଆରମ୍ଭ କରିଥିଲେ। ନିଜେ କିଛି କାମ କରି ଅର୍ଥ ରୋଜଗାର କରିବାକୁ ଚାହୁଁଛନ୍ତି ବୋଲି ଝିଅକୁ କହିଥିଲେ। ପରେ ସେ ବେସନର ବର୍ଫି ତିଆରି କରି ବିକିବାକୁ ଲାଗିଲେ। ଆନନ୍ଦ ମହିନ୍ଦ୍ରା ଏହି ମହିଳାଙ୍କର କାହାଣୀରେ ଏତେ ପ୍ରେରିତ ହୋଇଛନ୍ତି ଯେ, ଟୁଇଟର ପେଜ୍ରେ ମଧ୍ୟ ଏହାର ଏକ ଭିଡିଓ ଶେୟାର କରିଛନ୍ତି। ପ୍ରଥମେ ଟୁଇଟରରେ ଏହି ଭିଡିଓକୁ ଡାକ୍ତର ମଧୁ ଟେକଚନ୍ଦାନୀ ଆନନ୍ଦ ମହିନ୍ଦ୍ରାଙ୍କୁ ଟ୍ୟାଗ୍ କରି ଶେୟାର କରିଥିଲେ। ଏହାସହ ତାଙ୍କୁ ଆନନ୍ଦ ମହିନ୍ଦ୍ରା ତାଙ୍କୁ ଚଳିତବର୍ଷର ଶ୍ରେଷ୍ଠ ଉଦ୍ୟୋଗକାରୀ ଆଖ୍ୟା ଦେଇଛନ୍ତି। ଟୁଇଟରରେ ଏହି ଭିଡିଓ ବହୁତ ୟୁଜର୍ସ ପସନ୍ଦ କରିଛନ୍ତି । ୩,୬୦୦ରୁ ଅଧିକ ଲୋକ ଏହାକୁ ଲାଇକ କରିଛନ୍ତି । ୬୦୦ରୁ ଅଧିକ ରିଟୁଇଟ କରିସାରିଲେଣି।