ବେଜିଂ,୧୩ା୩: ମିଆଁମାରରେ ବିଶ୍ୱର ସବୁଠୁ ଛୋଟ ଡାଇନୋସରର ଅବଶେଷାଂଶ ମିଳିଛି। ଏହା ଏକ ଆମ୍ବର(ପାରଦର୍ଶୀ ପଥର)ରେ ସୁରକ୍ଷିତ ଭାବେ ମିଳିଛି। ଗଛ କୋରଡ଼ରେ ମୁଣ୍ଡ କଟି ଏହାର ମୃତ୍ୟୁ ହୋଇଥିବା ଜଣାପଡ଼ିଛି। ଏହାର ମୁଣ୍ଡର କିଛି ଅଂଶ ବର୍ତ୍ତମାନ ସୁରକ୍ଷିତ ରହିଛି। ଏହା ପ୍ରାୟ ୯୯୦ ଲକ୍ଷ ବର୍ଷ ପୁରୁଣା ବୋଲି କୁହାଯାଉଛି। ଗବେଷକମାନେ ଏହାର ନାଁ ‘ଅକ୍ୟୁଲୁଡେଣ୍ଟାଭିସ୍ ଖୋଙ୍ଗ୍ରେରାଏ’ ରଖାଯାଇଛି। ଏହି ଜୀବର ଓଜନ ବର୍ତ୍ତମାନ ୨ ଗ୍ରାମରୁ ବି କମ୍ ହେବ। ଏପରିକି ଏହାର ଓଜନ ହମିଂବାର୍ଡଠାରୁ ମଧ୍ୟ କମ୍ ଥିଲା। ଏହା ପରାଗକୋଣକୁ ଛାଡ଼ି କୀଟ-ପତଙ୍ଗକୁ ନିଜର ଶିକାର କରିଥାଏ।
ଏହାକୁ ଚିହ୍ନଟ କରିଥିବା ଗବେଷକ କୁହନ୍ତି, ଏହି ପକ୍ଷୀକୁ ଦେଖିଲେ ଲାଗୁଛି ଯେମିତି କାଲି ଏହାର ମୃତ୍ୟୁ ଘଟିଛି। ଏକ ଚତୁର୍ଥାଂଶ ଇଞ୍ଚ ଅବଶେଷର ଆକାର ଜାମୁକୋଳିଠାରୁ ମଧ୍ୟ ଛୋଟ। ଏହି ଆଧାରରେ ଗବେଷକମାନେ କମ୍ପ୍ୟୁଟର ସହିତ ଡାଇନୋସରର ସମ୍ପୂର୍ଣ୍ଣ ଗଠନ କରିଛନ୍ତି। ଅବଶିଷ୍ଟ ଅଂଶରେ ପ୍ରାୟ ୧୦୦ଟି ଦାନ୍ତ ରହିଛି। ଏହା ଦେଖିବାକୁ କରତ ସଦୃଶ।
ଚାଇନିଜ୍ ଏକାଡେମୀ ଅଫ୍ ସାଇନ୍ସର ଜୀବାଶ୍ମ ବୈଜ୍ଞାନିକ ଜିଙ୍ଗମା ଓକ୍ନୋର କହିଛନ୍ତି, ଏହା ବର୍ତ୍ତମାନ ଉଡ଼ିଯିବା ପରି ଦେଖାଯାଉଛି। ଏହା ପୂର୍ବରୁ ଏମିତି ପକ୍ଷୀ କେବେ ଦେଖି ନ ଥିଲି। ଏହି ପକ୍ଷୀର ଦାନ୍ତ ଥିବା ବେଳେ ଆଜିର ପକ୍ଷୀମାନଙ୍କର ଦାନ୍ତ ନାହିଁ। ଲସ୍ ଏଞ୍ଜେଲ୍ସ କାଉଣ୍ଟି ନ୍ୟାଚୁରାଲ ହିଷ୍ଟ୍ରି ମ୍ୟୁଜିୟମ୍ର ଲାର୍ସ ସ୍ମିଜ୍ କୁହନ୍ତି, ଏହା ଏକ ବିରଳ ଏବଂ ଛୋଟ ପକ୍ଷୀ।