ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର, ଅଧିନାୟକ ବିରାଟ କୋହଲି ଏବଂ ୧୯୮୩ ବିଶ୍ୱକପ୍ ବିଜେତା ଅଧିନାୟକ କପିଲ ଦେବ ନାଁରେ ବିଦେଶରେ ରାସ୍ତା ରହିଛି। ଅଷ୍ଟ୍ରେଲିଆର ପଶ୍ଚିମ ମେଲବୋର୍ଣ୍ଣରେ ଏହି ରାସ୍ତାଗୁଡିକ ରହିଛି। ଏଠାରେ ଭାରତୀୟମାନେ ବହୁ ସଂଖ୍ୟାରେ ରହୁଥିବାରୁ ରାସ୍ତାଗୁଡିକ ଭାରତୀୟ କ୍ରିକେଟରଙ୍କ ନାଁରେ ରହିଛି। କେବଳ ଭାରତୀୟ କ୍ରିକେଟର ନୁହେଁ ଅନ୍ୟ ଦେଶର କ୍ରିକେଟରଙ୍କ ନାଁରେ ମଧ୍ୟ ଅଷ୍ଟ୍ରେଲିଆରେ ରାସ୍ତା ରହିଛି। ଏଠାରେ ଥିବା ରାସ୍ତାଗୁଡ଼ିକ ନାଁ ରହିଛିି ତେନ୍ଦୁଲକର ଡ୍ରାଇଭ, କୋହଲି କ୍ରେସେଣ୍ଟ, ୱୋ ଷ୍ଟ୍ରିଟ (ଷ୍ଟିଭ ୱଗ), ଦେବ ଟେରସ (କପିଲ ଦେବ) ଏବଂ କଲିସ ୱେ (ଜ୍ୟାକ କଲିସ), ୱାସିମ ଆକ୍ରାମ (ଆକ୍ରାମ ୱେ), ରିଚାର୍ଡ ହାଡଲେ (ହାଡଲେ ଷ୍ଟ୍ରିଟ), ସାର୍ ଗାରଫିଲ୍ଡ ସୋବର୍ସ (ୱେଷ୍ଟଇଣ୍ଡିଜ)। ଏହି ରାସ୍ତାଗୁଡ଼ିକ ମେଲଟନ, ମେଲବୋର୍ଣ୍ଣ, ଭିକ୍ଟୋରିଆ ସହରରେ ଦେଖିବାକୁ ମିଳେ।
