ଭାରତୀୟ ରାଜନୀତିରେ ଇନ୍ଦିରା-ଫିରୋଜ ଗାନ୍ଧୀଙ୍କ ଲଭ୍ଷ୍ଟୋରୀ ବେଶ ଚର୍ଚ୍ଚିତ। ଉଭୟ ୧୯୩୦ରେ ପରସ୍ପରକୁ ଭେଟିଥିଲେ। ସ୍ବାଧୀନତା ସଂଗ୍ରାମ ସମୟରେ ଇନ୍ଦିରାଙ୍କ ମା’ କମଳା ନେହେରୁ ଏକ କଲେଜ ସମ୍ମୁଖରେ ଧାରଣା ଦେଉଥିବା ସମୟରେ ଚେତାଶୂନ୍ୟ ହୋଇଯାଇଥିଲେ। ଏହି ସମୟରେ ଫିରୋଜ ତାଙ୍କର ଯତ୍ନ ନେଇଥିଲେ। କମଳା ନେହେରୁଙ୍କ ହାଲଚାଲ ଜାଣିବା ପାଇଁ ଫିରୋଜ ତାଙ୍କ ଘରକୁ ଯାଉଥିଲେ। ଏହି ସମୟରେ ଇନ୍ଦିରା ଓ ତାଙ୍କ ମଧ୍ୟରେ ଭଲପାଇବା ବଢ଼ିଥିଲା। ଉଭୟ ନିକଟତର ହୋଇଥିଲେ। ଫିରୋଜ ଆହ୍ଲାବାଦରେ ରହୁଥିବା ସମୟରେ ଆନନ୍ଦ ଭବନ ଯାଉଥିଲେ। ଶେଷରେ ୧୯୪୨ରେ ଉଭୟଙ୍କ ବିବାହ ହୋଇଥିଲା। ହେଲେ ଜବାହାର ଲାଲ ନେହେରୁ ଏହି ବିବାହ ସପକ୍ଷରେ ନ ଥିଲେ। ମାତ୍ର ମହାତ୍ମାଗାନ୍ଧୀଙ୍କ ହସ୍ତକ୍ଷେପ ପରେ ସେମାନଙ୍କ ବିବାହ ଶେଷ ହୋଇଥିଲା। ଫିରୋଜଙ୍କୁ ବାପୁ ନିଜର ସାଜ୍ଞା ଦେଇଥିଲେ। ଭାରତ ଛାଡ଼ ଆନ୍ଦୋଳନ ସମୟରେ ଇନ୍ଦିରା ଓ ଫିରୋଜ ସାଥିହୋଇ ଜେଲ ମଧ୍ୟ ଯାଇଥିଲେ।