ବରଗଡ଼ ଅଫିସ୍,୩୧।୧: ବରଗଡ଼ ଜିଲାରେ ରବିବାର ପୋଲିଓ ଟିକାକରଣ କାର୍ଯ୍ୟକ୍ରମର ଶୁଭାରମ୍ଭ ହୋଇଛି। ଜିଲାପାଳ ଜ୍ୟୋତିରଞ୍ଜନ ପ୍ରଧାନ ଏହାର ଶୁଭାରମ୍ଭ କରିଥିଲେ। ମଙ୍ଗଳବାର ପର୍ଯ୍ୟନ୍ତ ଏହି କାର୍ଯ୍ୟକ୍ରମ ଚାଲିବ। ପ୍ରଥମ ଦିବସରେ ୧ଲକ୍ଷ ୭ହଜାର ୧୦୫ ଜଣଙ୍କୁ (୯୪.୧ ପ୍ରତିଶତ) ପୋଲିଓ ଟିକା ଦିଆଯାଇଛି। ସେଥିମଧ୍ୟରେ ବରଗଡ଼ ସହରାଞ୍ଚଳରେ ସର୍ବନିମ୍ନ ୮୩.୪ ଏବଂ ପଦ୍ମପୁର ସହରାଞ୍ଚଳରେ ସର୍ବାଧିକ ୧୦୧.୭ ପ୍ରତିଶତ ଶିଶୁ ପୋଲିଓ ଟିକା ଖାଇଛନ୍ତି। ଜିଲାରେ ୧ଲକ୍ଷ ୧୩ହଜାର ୭୭୮ଜଣ ଶିଶୁଙ୍କୁ (୫ବର୍ଷ ପର୍ଯ୍ୟନ୍ତ) ଏହି ଟିକା ଦେବାର କାର୍ଯ୍ୟକ୍ରମ ରହିଛି । ଏଥିପାଇଁ ୬୭୦ଟି ଟିକାକରଣ କେନ୍ଦ୍ର ଖୋଲି ୧୩୪୦ଜଣ ସ୍ବାସ୍ଥ୍ୟକର୍ମୀ, ଆଶା ଏବଂ ଅଙ୍ଗନୱାଡ଼ି କର୍ମୀଙ୍କୁ ନିୟୋଜିତ କରାଯାଇଛି। ସେହିପରି ୧୩୦ଜଣ ସୁପରଭାଇଜରଙ୍କୁ ଦାୟିତ୍ୱ ଦିଆଯାଇ ଥିବାବେଳେ ୧୬ଟି ଭ୍ରାମ୍ୟମାଣ ଟିମ୍ ରହିଛନ୍ତି। କାର୍ଯ୍ୟକ୍ରମର ସଫଳ ରୂପାୟନ ପାଇଁ ସମୁଦାୟ ୨୮୯୭ ଜଣ କର୍ମଚାରୀଙ୍କୁ ନିୟୋଜିତ କରାଯାଇଥିବା ଜିଲା ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।