![](https://www.dharitri.com/wp-content/uploads/2024/05/ef9680e9-8744-4a87-9a7f-38962be6e431.jpg)
ପୁରୁଷୋତ୍ତମପୁର,୧୯ା୫(ସିମାଞ୍ଚଳ ମିଶ୍ର): ଦ୍ବିତୀୟ ପର୍ଯ୍ୟାୟ ମତଦାନ ପାଇଁ ଗଞ୍ଜାମ ଜିଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ରବିବାର ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି। ସୋମବାର ସକାଳୁ ମତଦାନ ଆରମ୍ଭ ହେବ। ପୁରୁଷୋତ୍ତମପୁର ବ୍ଲକରେ ଯାଉଥିବା ଖଲ୍ଲିକୋଟ ନିର୍ବାଚନ ମଣ୍ଡଳୀରେ ୧୫ ପଞ୍ଚାୟତ ସମେତ ପୁରୁଷୋତ୍ତମପୁର ଏନ୍ଏସି ରହିଥିବା ବେଳେ ଏଥିରେ ୮୪,୩୬୯ ଜଣ ଭୋଟର ରହିଛନ୍ତି। ସେଥିରୁ ମହିଳା ୪୦,୪୦୬ ଜଣ ଓ ପୁରୁଷ ୪୩,୯୫୧ ଜଣ ଏମାନେ ଭୋଟ୍ ଦେବା ଲାଗି ୮୮ଟି ମତଦାନ କେନ୍ଦ୍ର ଖୋଲାଯାଇଛି। ସେହିପରି କବିସୂର୍ଯ୍ୟନଗର ନିର୍ବାଚନ ମଣ୍ଡଳୀରେ ଯାଉଥିବା ୧୧ଟି ପଞ୍ଚାୟତରେ ୫୭,୩୯୭ ଜଣ ଭୋଟର ରହିଥିବା ବେଳେ ମହିଳା ୨୭,୧୫୮ ଜଣ ଓ ପୁରୁଷ ୩୦,୨୩୬ଜଣ ରହିଛନ୍ତିା ଏମାନେ ଭୋଟ୍ ଦେବା ଲାଗି ୫୯ଟି ମତଦାନ କେନ୍ଦ୍ରର ବ୍ୟବସ୍ଥା କରାଯାଇଛି। ପୁରୁଷୋତ୍ତମପୁର ବ୍ଲକରେ ରହିଥିବା ସମୁଦାୟ ୧୪୭ଟି ବୁଥ୍ ରହିଥିବା ବେଳେ ଏଥି ମଧ୍ୟରୁ ୧୦ଟି ସଖୀ ବୁଥ୍, ୫ଟି ଆଦର୍ଶ ବୁଥ ଓ ଗୋଟିଏ ଇକୋ ଫ୍ରେଣ୍ଡଲି ବୁଥ୍ ରହିଛି। ଏହି ବୁଥ୍ମାନ ମାଧ୍ୟମରେ ସମୁଦାୟ ୧,୪୧,୭୬୬ ଜଣ ଭୋଟର ସେମାନଙ୍କ ମତଦାନ ସାବ୍ୟସ୍ତ କରିବେ। ସେପଟେ ସମସ୍ତ ବୁଥ୍ରେ ପୋଲିଂ ପାର୍ଟି ପହଞ୍ଚି ନିର୍ବାଚନ ଲାଗି ସମସ୍ତ ଆନୁସଙ୍ଗିକ ବ୍ୟବସ୍ଥା ଶେଷ କରିସାରିଛନ୍ତି। ଗୋଟିଏ ପୋଲିଂ ପାର୍ଟିରେ ଜଣେ ପ୍ରିଜାଇଡିଂ ଅଫିସର ଓ ୫ ପୋଲିଂ ଅଫିସର ରହିଛନ୍ତି। ସେପଟେ କିଭଳି ଶାନ୍ତିଶୃଙ୍ଖଳାର ସହ ମତଦାନ ଶେଷ ହେବ ସେ ନେଇ ପୁରୁଷୋତ୍ତମପୁର ଏସ୍ଡିପିଓ ରଜନୀକାନ୍ତ ସାମଲଙ୍କ ତତ୍ତ୍ୱାବଧାନରେ ଆଇଆଇସି ବିପିନ ବିହାରୀ ହୋତାଙ୍କ ସମେତ ପୋଲିସ ଅଫିସର ଓ କର୍ମଚାରୀମାନେ ପାଟ୍ରୋଲିଂ କରିବା ସହ ବିଭିନ୍ନ ସମ୍ବେଦନଶୀଳ ବୁଥ୍ଗୁଡ଼ିକ ପ୍ରତି କଡ଼ା ନଜର ରଖି ବିଭିନ୍ନ ବୁଥ୍ ବୁଲି ସ୍ଥିତିର ତଦାରଖ କରୁଥିବା ବେଳେ ବିଡିଓ ମନୋଜ କୁମାର ନାୟକ ଓ ତହସିଲଦାର ଲୋପାମୁଦ୍ରା ରଥ ମଧ୍ୟ ବୁଥ୍କୁ ବୁଥ୍ ବୁଲି ତଦାରଖ କରିବାରେ ଲାଗିଛନ୍ତି।