ପାଟଣା,୧୮।୫(ସ୍ବ ପ୍ର): କେନ୍ଦୁଝର ଜିଲା ପାଟଣା ରେଞ୍ଜ ସାହାରପଡା ସେକ୍ସନ ରାଇଡିହା ବିଟ ତାଳପଦା ଗାଁ ବେହେରା ସାହି ନିକଟରେ ଥିବା ଏକ ହୁଡ଼ି ନିକଟରୁ ଗୁରବାର ଏକ ୧୦ଫୁଟ ଲମ୍ବର ଅଜଗର ସାପକୁ ବନ ବିଭାଗ ଉଦ୍ଧାର କରିଛି। ସୂଚନାଯୋଗ୍ୟ, ଗୁରୁବାର ଗ୍ରାମର କିଛି ଲୋକ ଗାଁ ହୁଡ଼ିରେ ଅଜଗର ସାପକୁ ଦେଖିବାକୁ ପାଇ ବନ ବିଭାଗକୁ ଖବର ଦେଇଥିଲେ। ଖବର ପାଇ ବନ କର୍ମଚାରୀ ଘଟଣା ସ୍ଥଳରେ ପହଞ୍ଚି ସାପକୁ ଉଦ୍ଧାର କରି ବିରଳ ନଦୀରେ ଛାଡି ଦେଇଥିବା ରେଞ୍ଜର ଘାସିନାଥ ପାତ୍ର କହିଛନ୍ତି। ପାଟଣା ରେଞ୍ଜ ପକ୍ଷରୁ ଅଜଗରକୁ ପାରା ଷ୍ଟାଫ ଅଟଳବିହାରୀ ସେଠୀ, ତ୍ରିଲୋଚନ ମହାନ୍ତ, ଭାସ୍କର ନାଏକ, ଝାଡଶ୍ୱର ମହାନ୍ତ ପ୍ରମୁଖ ଘଟଣା ସ୍ଥଳରେ ପହଞ୍ଚି ସାପକୁ ଉଦ୍ଧାର କରିଥିଲେ।
