ବାଲେଶ୍ୱର ଅଫିସ, ୨୧।୬: ବାଲେଶ୍ୱର ଜିଲା ନୀଳଗିରି ଜଗନ୍ନାଥ ମନ୍ଦିର ରଥ ଖଳାରେ ରାଜ୍ୟ ସରକାରଙ୍କ ପକ୍ଷରୁ ନିଷେଧାଦେଶ ଜାରି ହୋଇଥିଲା। ଏହି ନିୟମକୁ ଉଲ୍ଲଙ୍ଘନ କରି ରଥ ନିର୍ମାଣ କରୁଥିବା ଅଭିଯୋଗରେ ସୋମବାର ୧୦ ମହାରଣାଙ୍କୁ ଗିରଫ କରାଯାଇଥିବା ନୀଳଗିରି ଉପଜିଲାପାଳ ହରିଶ୍ଚନ୍ଦ୍ର ବେହେରା କହିଛନ୍ତି ।
ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁସାରେ ମହାମାରୀ କରୋନା ପାଇଁ ପୁରୀ ଛଡ଼ା କେଉଁଠି ବି ରଥଯାତ୍ରା ହେବନି କି ରଥ ନିର୍ମାଣ ହେବନି ବୋଲି ନିର୍ଦ୍ଦେଶ ଦିଆଯାଇଥିଲା। ମାତ୍ର ନୀଳଗିରିରେ ଉପଜିଲ୍ଲାପାଳ ବାରମ୍ବାର ନୋଟିସ ଦେବାପରେ ମଧ୍ୟ ମହାରଣାମାନେ ରଥ ନିର୍ମାଣ କରିଥିଲେ। ସୋମବାର ଉପଜିଲାପାଳ, ତହସିଲଦାର ଏବଂ ପୋଲିସ ଅଧିକାରୀ ମିଳିତ ଭାବରେ ଚଢ଼ାଉ କରି ୧୦ ଜଣ ମହାରଣାଙ୍କୁ ଗିରଫ କରିଛନ୍ତି ।