ଭଦ୍ରକ ଅଫିସ: ୨୫।୫: ୟାସ୍ର ମୁକାବିଲା ପାଇଁ ଭଦ୍ରକ ଜିଲାରେ ସମୁଦାୟ ୧୦ ଏନ୍ଡିଆରଏଫ ଟିମ୍ ମୁତୟନ ଅଛନ୍ତି। ଏହି ଟିମ୍କୁ ବାତ୍ୟା ପ୍ରବଣ ଚାନ୍ଦବାଲି, ଧାମରା, ବାସୁଦେବପୁର, ତିହିଡ଼ି ଅଞ୍ଚଳରେ ମୁତୟନ କରାଯାଇଛି। ପୂର୍ବରୁ ୪ଟି ଟିମ୍ ପହଞ୍ଚି ବାସୁଦେବପୁର ଓ ଧାମରା ଅଞ୍ଚଳର ସମୁଦ୍ରକୂଳିଆ ଗାଁ ଲୋକଙ୍କୁ ବାତ୍ୟା ଆଶ୍ରୟସ୍ଥଳକୁ ସ୍ଥାନାନ୍ତର କରାଯାଇଥିବା ବେଳେ ମଙ୍ଗଳବାର ଆଉ ୬ଟି ଟିମ୍ ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚିଛନ୍ତି। ସେହିଭଳି ୪ଟି ଓଡ୍ରାଫ ଟିମ୍ ଧାମନଗର, ଭଦ୍ରକ, ଭଣ୍ଡାରିପୋଖରୀ ଓ ତିହିଡିରେ ମୁତୟନ କରାଯାଇଛି।