ମୁମ୍ବାଇ,୧୧।୧୨ : ମହାରାଷ୍ଟ୍ରର କ୍ୟାବିନେଟ ମନ୍ତ୍ରୀ ଚନ୍ଦ୍ରକାନ୍ତ ପାଟିଲଙ୍କ ଉପରେ କାଳି ପକାଇବା ମାମଲାରେ ପୁଣେ ଜିଲାର ପିମ୍ପିରିି ଚିଞ୍ଚୱାଡ ସହରରେ ପ୍ରମୁଖ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ପାଟିଲଙ୍କ ସୁରକ୍ଷାରେ ଅବହେଳା ନେଇ ତିନିଜଣ ଅଧିକାରୀଙ୍କ ସମେତ ୧୦ ଜଣ ପୋଲିସଙ୍କୁ ନିଲମ୍ବିତ କରାଯାଇଛି। ବି.ଆର. ଆମ୍ବେଡକର ଏବଂ ମହାତ୍ମା ଜ୍ୟୋତିବା ଫୁଲେଙ୍କ ଉପରେ ମନ୍ତବ୍ୟ ଦେବାର ଗୋଟିଏ ଦିନ ପରେ କିଛି ଲୋକ ଚନ୍ଦ୍ରକାନ୍ତ ପାଟିଲଙ୍କ ଉପରେ କାଳି ଫିଙ୍ଗିଥିଲେ।
ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ କହିଛନ୍ତି ଯେ ଏହା ଅତ୍ୟନ୍ତ ଦୁଃଖଦ ଘଟଣା। ଚନ୍ଦ୍ରକାନ୍ତ ପାଟିଲ ଯାହା କହିଥିଲେ ତାହାର ଅର୍ଥ ବୁଝିବା ଉଚିତ। ଏହାର ଅର୍ଥ ହେଲା ଡକ୍ଟର ବାବା ସାହେବ ଆମ୍ବେଡକର କିମ୍ବା କରିବୀର ଭାଉରାଓ ପାଟିଲ ସରକାରଙ୍କ ଅନୁଦାନ ମାଗି କେବେ ଅନୁଷ୍ଠାନ ଆରମ୍ଭ କରିନାହାଁନ୍ତି। ସେ ସମାଜରୁ ଅର୍ଥ ସଂଗ୍ରହ କରି ପରୋପକାରୀ ଲୋକଙ୍କୁ ସାଙ୍ଗରେ ନେଇ ଲୋକଙ୍କ ଶିକ୍ଷା ପାଇଁ ବ୍ୟବସ୍ଥା କରିଥିଲେ। କିନ୍ତୁ ତାଙ୍କ କଥା ନ ବୁଝି ଏପରି ଘଟଣା ଘଟାଇବା ଭୁଲ ଅଟେ।