କ୍ୱେଟା,୩୦ ।୧୧: ପାକିସ୍ତାନର ଅଶାନ୍ତ ଅଞ୍ଚଳ ବଲୁଚିସ୍ତାନରେ ମଙ୍ଗଳବାର ସୁରକ୍ଷାକର୍ମୀଙ୍କ ସହ ମୁହାଁମୁହିଁରେ ୧୦ ସନ୍ଦିଗ୍ଧ ଆତଙ୍କବାଦୀଙ୍କ ମୃତ୍ୟୁ ହୋଇଛି । ସେନାର ମିଡିଆ ୱିଙ୍ଗ ଏକ ବୟାନ ଜାରି କରି ଏହି ସୂଚନା ଦେଇଛି । ଇଣ୍ଟର ସର୍ଭିିସେଜ ପବ୍ଲିକ ରିଲେଶଂସ(ଆଇଏସପିଆର)ଅନୁଯାୟୀ, ବଲୁଚିସ୍ତାନ ଅଞ୍ଚଳର ହେଶବରେ ଗୁଇନ୍ଦ ସୂଚନା ଅନୁଯାୟୀ ଏକ ଆତଙ୍କବାଦୀ ଶିବିରକୁ ଖାଲି କରିବାକୁ ସୁରକ୍ଷାକର୍ମୀ ଏକ ଅପରେଶନ ଚଳାଇଥିଲେ, ଏହି ଅପରେଶନ ସମୟରେ ଉକ୍ତ ୧୦ ଆତଙ୍କବାଦୀଙ୍କ ମୃତ୍ୟୁ ହୋଇଛି ।
ସୂଚନାଯୋଗ୍ୟ, ମୃତ ଆତଙ୍କବାଦୀଙ୍କ ସୁରକ୍ଷାକର୍ମୀ ଓ ସାଧାରଣ ନାଗରିକଙ୍କ ଉପରେ ସଶସ୍ତ୍ର ଆକ୍ରମଣ କରିବା ଓ ଗ୍ୱାଦର-ହଶବ(ଏମ-୮) ରୋଡରେ ଇମ୍ପ୍ରୋଭାଇଜ୍ଡ ଏକ୍ସପ୍ଲୋସିଭ ଡିଭାଇସ(ଆଇଇଡି) ପ୍ଲାଣ୍ଟ କରିବାର ଅଭିଯୋଗ ରହିଥିଲା । ଆଇଏସପିଆର କହିଛି, ସୁରକ୍ଷାକର୍ମୀ ୧୨-୧୪ ଆତଙ୍କବାଦୀ ଶିବିର ଚିହ୍ନଟ କରିବା ପରେ ଏହାକୁ ଖାଲି କରିବା ପ୍ରକ୍ରିୟା ଆରମ୍ଭ କରିଥିଲେ । ହେଲେ ଆତଙ୍କବାଦୀମାନେ ପ୍ରଥମେ ସୁରକ୍ଷାକର୍ମୀଙ୍କ ଉପରକୁ ଗୁଳି କରିବା ଆରମ୍ଭ କରିଦେଇଥିଲେ । ଉଭୟଙ୍କ ମଧ୍ୟରେ ଗୁଳିବିନିମୟ ପରେ ୧୦ ଆତଙ୍କବାଦୀଙ୍କ ମୃତ୍ୟୁ ହୋଇଥିଲା ଓ ଜଣେ ଆତଙ୍କବାଦୀଙ୍କୁ ଆହତ ଅବସ୍ଥାରେ ଧରାଯାଇଥିଲା । ଏହାସହ ଅନ୍ୟ ୨ ଆତଙ୍କବାଦୀ ସେଠାରୁ ପଳାଇ ଯିବାକୁ ସକ୍ଷମ ହୋଇଥିଲେ ।