ନୂଆଦିଲ୍ଲୀ,୧।୧ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ରାସାୟନିକ ପଦାର୍ଥ ଏବଂ ସାର ମନ୍ତ୍ରଣାଳୟ ଅଧୀନରେ ଥିବା ଆୟୁଷ ବିଭାଗ ଦ୍ୱାରା ୨୦୧୭ରେ ପ୍ରଧାନମନ୍ତ୍ରୀ ଜନଔଷଧି କେନ୍ଦ୍ର ଦେଶରେ ଆରମ୍ଭ ହୋଇଥିଲା। ବର୍ତ୍ତମାନ ଦେଶର ୭୬୬ ଟି ଜିଲା ମଧ୍ୟରୁ ୭୪୩ ଟି ଜିଲାରେ ୧୦ ହଜାର ଜନଔଷଧି କେନ୍ଦ୍ର ସ୍ଥାପନ ପାଇଁ ଏକ କାର୍ଯ୍ୟକ୍ରମ ଆରମ୍ଭ ହେବାକୁ ଯାଉଛି। ଏହାର ଉଦଘାଟନ ସହିତ ଖୁବ ଶୀଘ୍ର ସାଧାରଣ ଲୋକ ଦେଶର ପ୍ରତ୍ୟେକ କୋଣ ଅନୁକୋଣରେ ଶସ୍ତା ଔଷଧ ପାଇପାରିବେ।
ମାର୍ଚ୍ଚ ୨୦୨୪ ସୁଦ୍ଧା ଜନଔଷଧି କେନ୍ଦ୍ରର ସଂଖ୍ୟାକୁ ୧୦ ହଜାରକୁ ବୃଦ୍ଧି କରିବାକୁ ସରକାର ନିଷ୍ପତ୍ତି ନେଇଛନ୍ତି। ଗତ ୮ ବର୍ଷ ମଧ୍ୟରେ ଜନଔଷଧି କେନ୍ଦ୍ର ମାଧ୍ୟମରେ ପ୍ରାୟ ୧୮ ହଜାର କୋଟି ଟଙ୍କା ସଞ୍ଚୟ ହୋଇଛି।
ନଭେମ୍ବର ୨୦୦୮ ରେ ଭାରତ ସରକାରଙ୍କ ରାସାୟନିକ ପଦାର୍ଥ ଏବଂ ସାର ମନ୍ତ୍ରଣାଳୟର ଫାର୍ମାସ୍ୟୁଟିକାଲ୍ସ ବିଭାଗ ଦ୍ୱ ାରା ଏହି କେନ୍ଦ୍ରଗୁଡିକ ଆରମ୍ଭ କରାଯାଇଥିଲା। ଡିସେମ୍ବର ୨୦୧୭ ରେ ଦେଶ ୩ ହଜାର ଜନଔଷଧିକେନ୍ଦ୍ର ଖୋଲିବାର ଲକ୍ଷ୍ୟ ହାସଲ କରିଛି। ମାର୍ଚ୍ଚ ୨୦୨୦ ରେ, ଏହି କେନ୍ଦ୍ରଗୁଡ଼ିକର ସଂଖ୍ୟା ୬ ହଜାରକୁ ବୃଦ୍ଧି ପାଇଥିଲା । ୨୦୨୨ ଗତ ଆର୍ଥିକ ବର୍ଷରେ ଏହି ସଂଖ୍ୟା ୮,୬୧୦କୁ ବୃଦ୍ଧି ପାଇଥିଲା। ଏବେ ଏହାକୁ ୨୦୨୪ ସୁଦ୍ଧା ୧୦ ହଜାରରେ ପହଞ୍ଚାଇବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି।
ଏହି କେନ୍ଦ୍ରଗୁଡିକରେ ୧,୭୫୯ ପ୍ରକାର ଔଷଧ ଏବଂ ୨୮୦ ସର୍ଜିକାଲ ଉପକରଣ ଉପଲବ୍ଧ। ଏହି କେନ୍ଦ୍ର ମାଧ୍ୟମରେ ୨୦୨୧-୨୨ ଆର୍ଥିକ ବର୍ଷରେ ୮୯୩.୫୬ କୋଟି ଟଙ୍କା ମୂଲ୍ୟର ଔଷଧ ଏବଂ ଚିକିତ୍ସା ଉପକରଣ ବିକ୍ରି ହୋଇଥିଲା। ବ୍ରାଣ୍ଡେଡ ଔଷଧ ତୁଳନାରେ ଏହା ଦେଶବାସୀଙ୍କୁ ୫.୩୦୦ କୋଟି ଟଙ୍କା ସଞ୍ଚୟ କରିବାରେ ସାହାଯ୍ୟ କରିଛି।