ଦୃଢ ଇଚ୍ଛାଶକ୍ତି ଓ ମନୋବଳ ଥିଲେ ସବୁ କିଛି ସମ୍ଭବ। ଯେତେ ବାଧାବିଘ୍ନ ଆସୁ ପଛେ ତାହା ସହଜ ହୋଇଥାଏ। ଶେଷରେ ସଫଳତା ମିଳିଥାଏ। ଏପରି ଏକ ଘଟଣା ସାମ୍ନାକୁ ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେବ। ଜଣେ ୧୦ ବର୍ଷିୟ ବାଳକ ତାଙ୍କ ଜେଜେ ମା’ଙ୍କୁ ଦେଖା କରିବାକୁ ୨୮୦୦ କି.ମି ଯାତ୍ରା କରିଛନ୍ତି। ସେ ହେଲେ ରୋମିଓ କକ୍ସ। ରୋମିଓଙ୍କ ସହ ତାଙ୍କ ପିତା ମଧ୍ୟ ଏହି ଯାତ୍ରାରେ ସାମିଲ ଥିଲେ। ଜୁଲାଇ ୨୦ରେ ଇଟାଲୀରୁ ଉଭୟେ ଯାତ୍ରା ଆରମ୍ଭ କରି ୨୧ ସେପ୍ଟେମ୍ବରରେ ଲଣ୍ଡନରେ ପହଞ୍ଚିଛନ୍ତି। ଲଣ୍ଡନରେ ଥିବା ଜେଜେ ମା’ ଙ୍କୁ ଦେଖିବା ପୂର୍ବରୁ ବର୍ତ୍ତମାନ ଉଭୟେ କ୍ୱାରାଣ୍ଟାଇନରେ ଅଛନ୍ତି। ଏହି ଯାତ୍ରା ସମୟରେ ଅନେକ ସମସ୍ୟାର ସମ୍ମୁଖୀନ ହୋଇଥିବା କଥା ରୋମିଓ କହିଛନ୍ତି।