ନୂଆଦିଲ୍ଲୀ,୧୩।୨: ଇଂଲଣ୍ଡ ବିପକ୍ଷ ଦ୍ୱିତୀୟ ଟେଷ୍ଟରେ ଚମକିଛନ୍ତି ହିଟ୍ମ୍ୟାନ୍ ରୋହିତ ଶର୍ମା। ଶନିବାର ଚେନ୍ନାଇ ଟେଷ୍ଟର ପ୍ରଥମ ଦିନରେ ରୋହିତ ନିଜ କ୍ୟାରିୟରର ୭ମ ଶତକ କରିଛନ୍ତି। ଏହା ଇଂଲଣ୍ଡ ବିପକ୍ଷରେ ତାଙ୍କର ପ୍ରଥମ ଶତକ। ତେବେ ୧୩୦ ବଲ୍ରେ ହିଟ୍ମ୍ୟାନ୍ ନିଜର ଶତକ ପୂରଣ କରିଛନ୍ତି। ଏଥିରେ ୧୪ ଚଉକା ଏବଂ ୨ ଛକା ଅଛି।
ସ୍ଥାନୀୟ ଏମ୍.ଏ ଚିଦାମ୍ବରମ୍ ଷ୍ଟାଡିୟମରେ ଖେଳାଯାଉଥିବା ଦ୍ୱିତୀୟ ଟେଷ୍ଟରେ ଟସ୍ ଜିତି ଭାରତ ବ୍ୟାଟିଂ ନିଷ୍ପତ୍ତି ନେଇଥିଲା। ହେଲେ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟ ସତ୍ତ୍ୱେ ରୋହିତ ଭଲ ଫର୍ମରେ ନଜର ଆସିଥିଲେ। ପ୍ରଥମେ ୪୭ବଲ୍ରେ ସେ ଅର୍ଦ୍ଧଶତକ ପୂରଣ କରିବା ପରେ ଲଞ୍ଚ ବ୍ରେକ୍ ପରେ ନିଜର ଶତକ ପୂରଣ କରିଛନ୍ତି।