ନୂଆଦିଲ୍ଲୀ/ଟୋକିଓ,୮।୩: ଭାରତର ବୈଦେଶିକ ମନ୍ତ୍ରୀ ଜାପାନ ଗସ୍ତରେ ଅଛନ୍ତି। ଜାପାନରେ ଏକ କାର୍ଯ୍ୟକ୍ରମ ସମୟରେ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର କହିଛନ୍ତି, ଆମ ସରକାର ୧୫ ବର୍ଷ କିମ୍ବା ତା’ଠାରୁ ଅଧିକ ସମୟ କ୍ଷମତାରେ ରହିବ। ମୋ ଏହା ଶତପ୍ରତିଶତ ବିଶ୍ୱାସ। ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ବିଷୟରେ ଜୟଶଙ୍କର ମଧ୍ୟ ଜବାବ ଦେଇଛନ୍ତି।
ଏହି କାର୍ଯ୍ୟକ୍ରମରେ ଏସ ଜୟଶଙ୍କର କହିଛନ୍ତି ଯେ, ଆମେ ଦେଶକୁ ୧୫ ବର୍ଷ ପାଇଁ ଏକ ସ୍ଥିର ସରକାର ଦେବୁ ଏବଂ ଏହା ଆହୁରି ଆଗକୁ ମଧ୍ୟ ସମ୍ଭବ ହୋଇପାରେ। ଜୟଶଙ୍କର ଦୂରଦୃଷ୍ଟିସମ୍ପନ୍ନ ତଥା ନିଷ୍ପତ୍ତି ନେଉଥିବା ସରକାରଙ୍କ ସଂଖ୍ୟାଗରିଷ୍ଠତା ହାସଲ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସୌଭାଗ୍ୟବଶତଃ ଭାରତର ବର୍ତ୍ତମାନର ସରକାର ସଂସଦରେ ଦେଶକୁ ବିକାଶ ପଥରେ ନେବାକୁ ଉଭୟ ଦୃଷ୍ଟିକୋଣ ଏବଂ ସଂଖ୍ୟାଗରିଷ୍ଠତା ପାଇଛନ୍ତି। ଏହା ବିଦେଶୀ ପୁଞ୍ଜି ବିନିଯୋଗ ଏବଂ ଦେଶକୁ ଆସୁଥିବା ବ୍ୟବସାୟ ଉପରେ ମଧ୍ୟ ପ୍ରଭାବ ପକାଇଥାଏ। ଆମ ସରକାର ୧୫ ବର୍ଷରୁ ଅଧିକ ସମୟ କ୍ଷମତାରେ ରହିବାକୁ ଯାଉଛି।