ନୂଆଦିଲ୍ଲୀ, ୧।୯ : ବ୍ୟବସାୟିକ ଗ୍ୟାସ ସିଲିଣ୍ଡରର ଗ୍ରାହକଙ୍କ ପାଇଁ ଖୁସି ଖବର ଆସିଛି । ପେଟ୍ରୋଲିୟମ ମନ୍ତ୍ରଣାଳୟ ୧୯ କିଲୋଗ୍ରାମ ବ୍ୟବସାୟିକ ଗ୍ୟାସ ସିଲିଣ୍ଡରର ଦାମ ୯୧ ରୁ ୧୦୦ ଟଙ୍କା ପର୍ଯ୍ୟନ୍ତ ହ୍ରାସ କରିଛନ୍ତି। ଗତ ପାଞ୍ଚ ମାସ ଧରି ବ୍ୟବସାୟିକ ଗ୍ୟାସ ସିଲିଣ୍ଡରର ମୂଲ୍ୟ କ୍ରମାଗତ ଭାବେ ହ୍ରାସ ପାଇବାରେ ଲାଗିଛି। ତେବେ ୧୪ କିଲୋଗ୍ରାମ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ।
ସେପ୍ଟେମ୍ବର ୧ ରୁ ବ୍ୟବସାୟିକ ସିଲିଣ୍ଡରର ଦାମ୍ କୋଲକାତାରେ ୧୦୦ ଟଙ୍କା କମିଛି। ସେହିପରି ମୁମ୍ବାଇରେ ୯୨.୫ ଟଙ୍କା ଏବଂ ଚେନ୍ନାଇରେ ୯୬ ଟଙ୍କା ହ୍ରାସ ପାଇଛି। ଏଥି ସହିତ, ଦିଲ୍ଲୀରେ ସିଲିଣ୍ଡର ପାଇଁ ବର୍ତ୍ତମାନ ୧୮୮୫ ଟଙ୍କା ଦେବାକୁ ପଡିବ। ଲକ୍ଷ୍ନୌରେ ଏହା ଦାମ୍ ୧୮୪୪ ଟଙ୍କା ରହିଛି।
ସୂଚନାନୁସାରେ, ବିଦେଶୀ ବଜାରରେ ଗ୍ୟାସର ଅଧିକ ମୂଲ୍ୟ ଯୋଗୁ ପାଞ୍ଚ ମାସ ପୂର୍ବରୁ ଅର୍ଥାତ୍ ମେ ୨୦୨୨ରେ ବାଣିଜି୍ୟକ ସିଲିଣ୍ଡରର ଦାମ ୨୩୫୪ ଟଙ୍କାର ରେକର୍ଡ ସ୍ତରରେ ପହଞ୍ଚିଥିଲା। ତେବେ ପାଞ୍ଚ ମାସ ମଧ୍ୟରେ ଏହାର ଦାମ୍ ୪୦୦ ଟଙ୍କାରୁ ଅଧିକ ହ୍ରାସ ପାଇଛି। ବର୍ତ୍ତମାନ ଦେଶରେ ବାଣିଜି୍ୟକ ସିଲିଣ୍ଡରର ଦାମ୍ ପ୍ରାୟ ୧୮୫୫ ଟଙ୍କା ରହିଛି।
